Onyń aıtýynsha, qala aýmaǵyndaǵy orman qory jerlerindegi 406 shaqyrymda mıneraldy jolaq jyrtylǵan. Budan bólek, egistik alqaptarynda 400 shaqyrym, respýblıkalyq mańyzy bar joldardyń boıynda 65 shaqyrym jáne jergilikti avtomobıl joldarynyń boıynda 315 shaqyrym órtke qarsy jolaq salynǵan.
«О́rtke qarsy mıneraldy jolaq jyrtý jumystary sapaly bolýy úshin enin keminde 7 metr etip júrgizý qajet. Orman-dala órtterin der kezinde sóndirý maqsatynda aýdan ákimdikteri tıisti eldi mekenderde 527 adamnan turatyn 52 órt sóndirý tobyn qurdy. Olar 94 beıimdelgen qosalqy tehnıkamen, 22 órt sóndirý motopompasymen jáne qolda bar órt sóndirý quraldarymen jabdyqtalǵan. Orman jáne dala órtteri oryn alǵan jaǵdaıda der kezinde sóndirý úshin bir soqaly traktormen birge 3 tonna sýy bar tirkemeli bóshkeler men 4 ýaqytsha baqylaıtyn órt sóndirý beketteri quryldy», - dedi departament basshysy.
Budan bólek, ol Shymkent qalasynda órt sany ótken jylmen salystyrǵanda 20 paıyzǵa, al adamdardyń qaza bolýy 40 paıyzǵa azaıǵanyn aıtyp ótti.
О́rt qaýipi joǵary maýsymnyń taıap turǵanyn aıtqan qala basshysy aýdan qala ákimderine óz aýmaqtarynda erikti órt sóndirý jasaqtaryn qurý jumystaryn jandandyrýdy tapsyrdy.
Sonymen qatar, jaz aılarynda óte ystyq, órt qaýipi joǵary óńir ekenine toqtalǵan ákim, órt oqıǵasy oryn alǵan jaǵdaıda birinshi kezekte sol aýdannyń basshysy jaýap beretindigin eskertti.
Jıyndy qorytyndylaǵan Murat Dúısenbekuly aýdan aýmaǵynda ornalasqan barlyq zańdy tulǵalar arasynda órt qaýipsizdigi talaptaryn qatań saqtaý boıynsha túsindirý jumystaryn júrgizip, baqylaýdy kúsheıtýdi júktedi.
