Aımaqtar • 26 Mamyr, 2020

Atyraý: Ońtústik koreıadan 532 tonnalyq júk jetkizildi

178 ret kórsetildi

Munaıly óńirdegi ıntegrasııalanǵan gazhımııa keshenine arnalǵan iri gabarıtti qondyrǵylar Ońtústik Koreıada qurastyrylǵan.

Keshen qurylysynyń operatory   «KPI Inc.»  JShS-niń málimetine súıensek,  sáýir  aıynda 6 barjamen 17 tehnologııalyq qondyrǵy Rýmynııadaǵy Konstansa portyna jetkizilgen. Al, Qara teńiz-Volga-Don kanaly arqyly Kaspıı teńizine, keıin Jaıyq-Kaspıı  kanalymen Atyraýdaǵy ózen portyna tasymaldanǵan.

–Ońtústik Koreıadan  propandy saqtaýǵa arnalǵan árqaısysy 532,7 tonnalyq 4 rezervýar, joǵary qysymǵa shydas beretin árqaısysy 115 tonnany quraıtyn 3  qazan, jalpy salmaǵy 177,5 tonnalyq joǵary qysymdy almastyrǵysh,   árbiriniń salmaǵy 145 tonna bolatyn  8 propandy sýsyzdandyrý reaktory jiberildi. Sondaı-aq, reaktorlarǵa arnalǵan 80 tonnalyq 8 aksessýar jıyntyǵy qosa jetkizildi. Bul júkterdiń bári iri gabarıtti,  jalpy salmaǵy – 3 893,3 tonna, al, bıiktigi – 12,5 metr, - dep habarlady  «KPI Inc.»  JShS.

Atyraýdaǵy ózen portyna jetkizilgen iri gabarıtti júkti qurylys alańyna maýsymda jetkizý kózdelip otyr.

1

Atyraý

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar