Polısııa serjanty 19 qańtarǵa qaraǵan túni qyzmettik boryshyn atqarý ústinde qaskóıdiń qolynan mert bolǵan edi. О́z otbasyn qyryp-joımaq bolyp qoqań-loqy kórsetken 28 jastaǵy Tobyl qalasynyń turǵyny shaqyrtýmen barǵan Darhanǵa pyshaq uryp alǵan. Sanaýly mınýt ǵumyry qalǵanyna qaramastan polısııa serjanty qaskóıdi baılap-matap, otbasyna tóngen qaýiptiń aldyn kesti. Oqıǵa ornyna kelgen jedel járdem polısııa serjantynyń ómirine arasha bola almady.
Memleket basshysy Qasym-Jomart Toqaevtyń Jarlyǵymen qyzmettik boryshyn atqarý barysynda erlik pen janqııarlyq kórsetken Darhan Bazarbaev III dárejeli «Aıbyn» ordenimen marapattaldy.
Tobyl qalasynyń buryn sottalǵan 28 jastaǵy turǵyny QR QK 99 babynyń 2-bólimi boıynsha aıyptalýda. Sot onlaın rejimde ótip jatyr. Alǵashqy sot otyrysynda kýálardyń aıǵaǵy tyńdaldy.
Qostanaı oblysy
