Koronavırýstyq ınfeksııanyń taralýyna jol bermeý jónindegi vedomstvoaralyq komıssııanyń otyrysynda qabyldanǵan sheshimge sáıkes 2020 jyldyń 1 maýsymynan bastap temirjol kóligimen jolaýshylar tasymaly jańartylyp, túrli baǵyttar boıynsha 54 poıyz júre bastaıdy.
Bıletter satylymǵa 2020 jyldyń 15 mamyrynan bastap túsip, 10 kúnniń ishinde 217 myń bılet satylǵan.
Koronavırýstyq ınfeksııaǵa baılanysty qalyptasqan jaǵdaıda ózara baılanysty azaıtý maqsatynda IIDM poıyz bıletterin onlaın rejımde resimdeýdi usynady.
Esterińizge sala keteıik, 2019 jyldyń 1 shildesinen elektrondyq bıletteýdiń jańa júıesine kóshý bastalady. Bul júıe bıletterdi satyp alý sharttaryn jaqsartýǵa, sondaı-aq «Kútý paraǵy» boıynsha kezek tártibimen bılet satyp alýǵa múmkindik berdi.
«Kútý paraǵy» arqyly jolaýshylar oryn bolmaǵan jaǵdaıda da ótinim bere alady. Oryn paıda bolǵanda jolaýshy elektrondyq poshtasyna tıisti habarlama alady. Bul rette jolaýshynyń derekterin aýystyrý múmkin emes. Osylaısha, jolaýshylardy aýystyrýǵa jáne brondalǵan bıletterdi satyp alýǵa jol berilmeıdi.
