Qazaqstan terrıtorııasynyń basym bóligi áli de joǵary qysym aýmaǵynda bolǵandyqtan kún ashyq bolady.
Tek respýblıkanyń shyǵysynda ǵana Soltústik-batys sıklonynyń áserinen keı jerlerde ótkinshi jańbyr jaýady, naızaǵaı jarqyldap, daýyl soǵady. Burshaq jaýýy yqtımal.
Keı jerlerde jel kúsheıedi, ońtústikte jáne ońtústik-shyǵysta shańdy daýyl turady. Soltústikte tuman túsedi.
Túnde Soltústik Qazaqstan oblysynyń keı jerlerinde jel ekpini 15-20 m/s jetedi. Túnde jáne tańerten tuman túsedi.
Shyǵys Qazaqstan oblysynyń túnde keı jerlerinde jel qarqyny – 15-20 m/s, kúndiz – 15-20, ekpini 25 m/s deıin kúsheıedi. Keı jerlerde daýyl soǵady. Burshaq jaýýy múmkin.
Túnde Qyzylorda oblysynyń keı jerlerinde jel jyldamdyǵy – 15-20 m/s, 25 m/s bolady. Shańdy daýyl kútiledi.
Jambyl, Túrkistan oblystarynyń keı jerlerinde shańdy daýyl turady. Jel ekpini –15-20 m/s, Túrkistan oblysynda 23 m/s jetedi.
Batys Qazaqstan, Qostanaı, Pavlodar, túnde Aqtóbe, kúndiz Almaty, Qaraǵandy oblystarynyń keı jerlerinde jel 15-20 m/s deıin kúsheıedi. Batys Qazaqstan oblysynda naızaǵaı jarqyldaıdy.
Almaty, Jambyl, Túrkistan, Qyzylorda, Aqtóbe oblystarynda, Mańǵystaý oblysynyń ońtústiginde aptap ystyq bolady.
Pavlodar oblysynda, Shyǵys Qazaqstan, Qyzylorda oblystarynyń keı jerlerinde óte joǵary órt qaýpi saqtalady.
