Jergilikti polısııa qyzmeti basqarmasynyń bastyǵy, polısııa podpolkovnıgi Aıdyn Baımatov bul týraly soltústikqazaqstandyq sporttyq avtoklýbtardyń qatysýshylarymen bolǵan kezdesýde baıan etti. Bul klýbtar «JZ», «Mersedes», «BMW» jáne «Subaru» sııaqty sheteldik avtokólikterdiń ataýlarymen atalǵan. «Bizdiń basty mindetimiz buzýshylardy toqtatyp, jaýapqa tartý ǵana emes. Tap qazir sizderdiń bastaryńyzdy qosyp, barlyq túıtkildi máselelerdiń basyn ashyp alǵan jón dep sanaımyz, al sizder basqa avto áýesqoılarǵa kezdesý qorytyndylaryn, buzýshylyq úshin kózdelgen jaýapkershilik jaıynda aıtyp jetkizedi ǵoı degen senimdemiz», - dep atap ótti Aıdyn Baımatov.
Kezdesý barysynda sporttyq mashınalardaǵy shý basqysh retinde paıdalanylatyn tıýnıng atrıbýttaryn paıdalanýǵa qatysty máseleler egjeı-tegjeıli talqylandy. Polıseıler kólikti zańsyz qaıta jabdyqtaý Ákimshilik quqyq buzýshylyq týraly kodekstiń 590-baby boıynsha jaýapkershilik júkteıtinin eskertti. Osy bappen ondaılarǵa 15 aılyq eseptik kórsetkish kóleminde aıyppul salý qarastyrylǵan. Kezdesýde qaıta jabdyqtalǵan kólik quraldarynyń qatty dybysy tynyshtyqty buzatyny jáne bul buzýshylyqqa jatatyny eskertildi. Egde jastaǵy qala turǵyndary, sábıler túngi ýaqyttaǵy kúsheıe túsetin shýdan zardap shegedi.
Avtoklýb músheleri de kókeılerinde júrgen suraqtaryn jaýdyrdy. Aıtylǵan usynystar polıseılerdiń nazarynan tys qalǵan joq.
PETROPAVL
