Memleket basshysy Nursultan Nazarbaevtyń Jarlyǵymen Qaırat Kelimbetov Ulttyq bankiniń tóraǵasy bolyp taǵaıyndaldy. Bul týraly Aqorda.kz habarlady.
Prezıdent otbasylyq jaǵdaıyna baılanysty berilgen ótinishine sáıkes, Grıgorıı Marchenkonyń Ulttyq bank tóraǵasy laýazymynan bosatylǵanyn málimdedi.– Ol bul qyzmette kóp jyl, sonyń ishinde qıyn jyldary jumys istedi. Elimizdiń qarjy júıesin damytýǵa, Ulttyq bank jumysyna, Ulttyq qordy basqarýǵa zor úlesin qosty, bul úshin men oǵan rızamyn, – dedi Elbasy.
Memleket basshysy Ulttyq bank tóraǵasy etip Qaırat Kelimbetovti taǵaıyndaý týraly sheshim qabyldaǵany jóninde habardar etti.– Ol 45 jasta, Máskeý memlekettik ýnıversıteti men AQSh-tyń Djordjtaýn ýnıversıtetiniń túlegi. Sońǵy jyldary Ekonomıka jáne bıýdjettik josparlaý mınıstri, odan keıin Premer-Mınıstrdiń orynbasary qyzmetin atqardy, Keden odaǵynyń qyzmeti jáne Eýrazııalyq ekonomıkalyq odaqty qurý máseleleri jóninde kelissózder júrgizdi. Onyń el ekonomıkasy men qarjylyq jaǵdaıy týraly bilimi Ulttyq bank jumysyna oń yqpal etedi dep sanaımyn, – dedi Nursultan Nazarbaev.
Prezıdent qabyldanǵan sheshim elimizdiń damýyna septigin tıgizetinin atap ótip, Ulttyq banktiń saıasaty ózgermeıtinine toqtaldy.
