О́ńirdegi Tótenshe jaǵdaılar departamentiniń bastyǵy, Azamattyq qorǵaý polkovnıgi Ernur О́tegenov aǵymdaǵy jylǵy sý tasqyny kezeńiniń qorytyndylary týraly baıandady.
- О́tken jyly elimizde kóktemgi Sý tasqynyna qarsy arnaıy Jol kartasy jasaldy. Jol kartasy jáne departamenttiń bastamasymen Aqtoǵaı, Baıanaýyl aýdandarynyń ákimdikterimen birlesip ınjenerlik is-sharalar ótkizildi, bul sharalar sý tasqyny qaýpiniń aldyn aldy, - dedi E. О́tegenov.
Sondyqtan aldaǵy 2021 jyly sý tasqyny kezeńine daıyndyq barysynda qolda bar barlyq ınfraqurylymdardyń jumysyn erterek bastaý qajet.
E. О́tegenov bıýdjet qarajatyn tıimdi jumsaý arqyly, turǵyndardyń, sharýashylyq jáne turǵyn úı-jaılardyń qaýipsizdigin turaqtandyrý maqsatynda Aqsý qalasy, Lenın kenti, sondaı-aq Kenjekól, Sholaqsor aýyldarynda jasalatyn qorǵanys beketterin kezeń-kezeńimen nyǵaıtýǵa kóshýdi usyndy.
Iаǵnı, qorǵanys maqsatynda jasalǵan úıindilerdi nyǵaıtý úshin bekitkish materıaldary bar gabıondy tor tóselip, qum sýsymas úshin túrli ósimdikter egý kerek.
О́ńir basshysy Ábilqaıyr Sqaqov TJ departamentiniń usynysyna qoldaý kórsetip, qala jáne aýdan ákimderi men basqarma basshylaryna oblys aýmaǵyndaǵy aldaǵy jyldarǵa sý tasqyny qaýip-qateriniń deńgeıin tómendetýge baǵyttalǵan is-sharalardy ótkizý týraly birqatar naqty tapsyrma berdi.
PAVLODAR
