Aımaqtar • 27 Mamyr, 2020

Kókshetaýda kórý qabileti tómen bala kóp

5 ret kórsetildi

Sońǵy ýaqytta kórý qabileti tómendegen balalar sany artqan. Árıne, ol smartfon,  teledıdardy uzaq ýaqyt qarap, názik áli tolyq damymaǵan kóz tamylaryna kelgen zııannan týyndaǵan másele. Kókshetaýda kórýinde kemistigi bar búldirshinderge arnalǵan bala baqsha bar. Onda oryn sany az jáne qondyrǵylar múldem eskirgen.  

Kókshetaý qalasyndaǵy «О́rken» balabaqshasynda kórýinde kemistigi bar búldirshinderge arnalǵan top jumys isteıdi. Toqyraý jyldaryna deıin mundaı eki top bolyp, 30 bala tárbıelengen. Sonyń bireýi jabylyp, qazir arnaıy top 14 búldirshindi ǵana qabyldaıdy. Nına Karalash tárbıe mekemesinde 1991 jyldan beri eńbek etýde. Meıirbıke mamandandyrylǵan toptyń bolǵany oń nátıjesin berýde. 

– Meniń tájirıbemde osy toptan tárbıe alyp shyqqan balalardyń emdelip, kórý qabileti jaqsarǵan derekter óte kóp. Keıbirine ota jasap, odan keıin osy topta arnaıy jattyǵýlar, apparattardyń kómegimen keshendi emdik jumystar júrgizemiz. Emdeýshi dáriger jazyp bergen nusqaýlyqtardy oryndaımyz. Bizdiń alǵashqy túlekter qazir joǵary oqý ornyn aıaqtaǵan úlken azamattar,–deıdi №37 «О́rken» balabaqshasynyń meıirbıkesi Nına Karalash.

Keshendi júrgizilgen jumystardyń nátıjesinde ótken jyly 4 búldirshin korreksııalyq toptan densaýlyǵynyń jaqsarýyna baılanysty ózge topqa aýysqan.  

– Bul jerde másele bar, árıne. Ol orynnyń azdyǵy. Emdeý apparattary eskirgen. 1970-1980 jylǵy apparattarmen jumys isteımiz. О́tken jyly eki jańa qondyrǵy aldyq. Onyń bireýin bizde tárbıe alǵan balanyń ákesi syıǵa tartty. Osy qondyrǵylardy jańartsa degen tilegimiz bar,–deıdi balabaqsha medbıkesi Nına Karalash.

Kórýinde kemistigi bar balalar jalpy bilim beretin mekteptiń korreksııalyq synybynda oqıdy.

– Qaıyrymdylyq qorlar mektep máselesin jıi kóterip júr. Nur-Sultan qalasynda arnaıy mektep bar. Sol jerge pedagog, medısınalyq mamandardy jıi shaqyryp, arnaıy semınarlar uıymdastyrýda. Kózi nashar kóretin bala jalpy bilim beretin mektepke qabyldanǵanda dárigerdiń qorytyndysymen, dıagnozy eskeriledi. Jaryq durys túsetin, aldyńǵy qatardyń birinshi partasyna otyrǵyzylady. Korreksııalyq synyp bolsa, sonda bilim alady,–deıdi tárbıeshi Zınfıra Garıfýlına.

Mamandardyń aıtýynsha búgingi tańda balaǵa erte jastan smartfon ustatyp, teledıdardyń aldynda uzaq otyrǵyzý saldarynan kózi nashar kóretin balalar sany artqan. Olardyń kóz tamyrlary óte názik, tolyq qalyptasyp, damymaǵan. Sondyqtan, birden kórý qabileti tómeıdeıdi. Dárigerler zııandy zattardan balany shekteýge keńes beredi.  

Sońǵy jańalyqtar

Abaıdy tanytqan abyz tulǵa

Qazaqstan • Keshe

El júregi – elorda

Aımaqtar • Keshe

Astana kúni qarsańynda marapattar aldy

Aımaqtar • 03 Shilde, 2020

Iаnaıkınge “naǵyz qazaq”

Aımaqtar • 03 Shilde, 2020

Atyraýda 42 kóshege jol tóseledi

Aımaqtar • 03 Shilde, 2020

Atyraýda 32 otbasy jańa páterge kóshti

Aımaqtar • 03 Shilde, 2020

Nashaqorlarǵa qarsy kúres toqtamaıdy

Aımaqtar • 03 Shilde, 2020

Uqsas jańalyqtar