Aımaqtar • 27 Mamyr, 2020

Aqmola oblysy mamandary agroǵylym máselelerin talqylady

9 ret kórsetildi

Zamanaýı agrotehnologııalar ushý apparattarymen spektraldy baqylaý arqyly egis alqabynyń topyraq quramyn anyqtaýǵa qaýqarly. Osylaısha, alqapqa jumsalatyn tyńaıtqyshtar shyǵynyn 50-den 80 prosentke deıin únemdeýge bolady.

Budan bólek,  aramshópter men ósimdik aýrýlaryn der kezinde anyqtap, astyq shyǵymy men sapasyn arttyrýǵa da múmkindik bar. Reseı gektarynan 25, Eýropa 30, Kanada 50 sentnerge deıin ónim alady. Bul ǵylymnyń jetistigi. Aqmola oblysy jylyna 5 mln tonna astyq jınaıdy desek, ónimdiligi gektaryna 11 sentner shamasynda bolmaq. Bul is júzinde óte tómen kórsetkish deıdi mamandar. Topyraq quramyn zerdelemeı, oǵan hımııalyq tyńaıtqyshtar sebý, aqshany jelge shashyp, jerdi ýlaý dep bilińiz.

Shveısarııalyq eBee SQ pılotsyz ushý apparaty topyraq quramyna spektraldy saraptama  jasaıdy. Dron alqaptaǵy fosfor, azot tárizdi elementterdiń kólemin anyqtaıdy, ári tyńaıtqysh qajet jerdiń kartasyn túsiredi. Osylaısha, egistikke qandaı element, qansha kólemde qajet ekeni anyqtalady. Bul sharýa shyǵynynyń keminde, jartysyn únemdeıdi. Al, kúzdegi astyq túsimi 30-40 prosentke artady.

– Bul aýyl sharýashylyǵyna arnalǵan pılotsyz ushý qurylǵysy. Onyń mýltıdıapozondy kamerasy 5 spektr boıynsha túsirilim jasaıdy. Infraqyzyl, jasyl sáýleler topyraq quramyn, ósimdiktiń ónimdiligin, fotosıntezdi anyqtaýǵa múmkindik beredi. Iаǵnı, egis naýqanynan buryn, topyraq quramyn, egis kóktegende onyń ónimdiligin, aramshópterdi anyqtaı alamyz. Bul málimetter avtopılotty basqarý júıeleri arqyly zamanaýı traktorlarǵa nemese arnaıy tehnıkaǵa júktelip, naqty jer ıgerý tásilderi qoldanylady, – deıdi «Navistar asia» kompanııasy sıfrlandyrý bóliminiń jetekshisi Abaı Qurmanǵojın.

Dron eki shaqyrym bıiktikke deıin kóterile alady. Bir saǵatta 3 myń gektar alqapqa taldaý júrgizedi. Budan bólek, egin kóktegende  fotosıntez prosesin baqylap, aýrý ósimdikti, aramshópti anyqtaıdy.

– Bizdegi basty másele – aýyl sharýashylyǵy salasynyń eńbek ónimdiligi óte tómen. Bul máseleni tek ǵylymı jańalyqtarǵa súıenip sheshýge bolady. Bizdiń quraldarymyz shyǵyndy únemdep, astyq ónimin arttyrýǵa múmkindik beredi. Osy maqsatta ozyq álemdik kompanııalarmen áriptestik ornattyq jáne bizge júgingen sharýalarǵa naqty jer ıgerý tásilderin meńgerýge jan-jaqty qoldaý kórsetemiz, – deıdi «Navistar asia» kompanııasynyń menedjeri Temirlan Oljabaı.

Mamandar agroǵylymnyń da máselelerin ortaǵa saldy. Egistik alqabyna zamanaýı tehnologııalardy qoldaný úshin ınternet kerek. Myńdaǵan gektardy menshiktegender jerdi jutatyp, kóktem men kúzde ǵana tanap basynan tabylatyny da qynjyltady. Topyraqty qunarlandyrýda kejegesi keri tartqan sharýa, gektaryna 10 sentnerge de zar bolyp qalary anyq deıdi mamandar. Al, jutaǵan alqapty qalypqa keltirý ońaı is emes.   

 

Aqmola oblysy

Sońǵy jańalyqtar

Abaıdy tanytqan abyz tulǵa

Qazaqstan • Keshe

El júregi – elorda

Aımaqtar • Keshe

Astana kúni qarsańynda marapattar aldy

Aımaqtar • 03 Shilde, 2020

Iаnaıkınge “naǵyz qazaq”

Aımaqtar • 03 Shilde, 2020

Atyraýda 42 kóshege jol tóseledi

Aımaqtar • 03 Shilde, 2020

Atyraýda 32 otbasy jańa páterge kóshti

Aımaqtar • 03 Shilde, 2020

Nashaqorlarǵa qarsy kúres toqtamaıdy

Aımaqtar • 03 Shilde, 2020

Uqsas jańalyqtar