Aımaqtar • 27 Mamyr, 2020

M.Áıtenov karantınnen keıin qaıta ashylǵan kásiporyndardyń jumysymen tanysty

31 ret kórsetildi

Búgin Shymkent qalasynyń ákimi Murat Áıtenov tótenshe jaǵdaıdan keıingi kásiporyndardyń jumysymen tanysý maqsatynda Qazaqstandaǵy eń iri «Bal Tekstıl» otandyq kilem óndirýshi fabrıkasyn aralap kórdi.

 
Jobalyq quny 11 mıllıard teńge ınvestısııa jumsalǵan kásiporynnyń qýattylyǵy jylyna 6 mıllıon sharshy metr kilemdi quraıdy. 300 adamdy turaqty jumyspen qamtamasyz etetin zaýyt polıpropılendi jipterdi de shyǵarady. Búginde Qazaqstan kilemderi Germanııa, Reseı, Qyrǵyzstan jáne Tájikstanǵa eksporttalady. «Bal tekstıl» kilemderi sapa jaǵynan Belgııa jáne Germanııa elderiniń ónimderinen kem túspeıdi. 
 
Budan bólek, ákim jalpy ınvestısııa quny 1 mıllıard 800 mıllıon teńgeni quraıtyn «Álem BT» JShS qazaqstandyq shulyq-toqyma zaýytyna bardy. Kásiporyn qýattylyǵy jylyna 20 mıllıon jup ónimdi quraıdy. Erler, áıelder men balalarǵa arnalǵan 200-den astam shulyq ónimderiniń assortımentin shyǵarady. Iske qosylǵan sátten bastap «Álem BT» otandyq fabrıka ónimderi qazaqstandyq tutynýshylardyń senimine ıe boldy.
 
Sonymen qatar, Murat Dúısenbekuly taza bylǵarydan aıaq kıim shyǵaratyn «SP «LuxShoes» JShS-niń de jumysymen tanysty. Mundaǵy ónimder ıtalıandyq tehnologııa boıynsha zamanaýı túrik jabdyqtarynda shyǵarylady. Taýarlaryn jergilikti naryqqa shyǵaratyn kásiporyn jylyna 120 myń jup aıaq-kıim shyǵarýǵa qaýqarly. Sondaı-aq, qala basshysy maqta ıirimjibin óndiretin «Azala Cotton» fabrıkasynda boldy.
 
Pandemııa halyqtyń densaýlyǵyna áli de qaýipti ekenin aıtqan ákim kásiporyn basshylaryna karantındik shekteýlerdi qatań saqtaýdy aıtty.
 
Atalǵan aımaqta búgingi tańda quny 29,9 mlrd. teńgeni quraıtyn 16 joba júzege asyrylǵan. Nátıjesinde 1 630 jańa jumys oryndary qurylǵan. Onyń ishinde 2020 jyldyń aqpan aıynda «SP «Lux Shoes» JShS-niń aıaq kıim tabandaryn shyǵarý jobasy iske qosylyp, 20 jańa jumys orny ashyldy. Jyl sońyna deıin «B.A.E.R.» JShS – Dákeden tańý materıaldar óndirisi jobasynyń júzege asyrylýy josparlanýda.
Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Uqsas jańalyqtar