Parlament • 27 Mamyr, 2020

О́nerkásiptik qaýipsizdikti kúsheıtedi

11 ret kórsetildi

Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine ónerkásiptik qaýipsizdik máseleleri boıynsha ózgerister men tolyqtyrýlar engizý týraly» zań jobasy birinshi oqylymda qaralyp jatyr.

Zań jobasy ónerkásiptik qaýipsizdik salasyndaǵy zańnama normalaryn jetildirýge, bızneske ákimshilik qysymdy azaıtýǵa, qaýipti obektilerde memlekettik qadaǵalaýdy júzege asyrýdyń tıimdiligin arttyrýǵa, ónerkásiptik qaýipsizdik salasynda jumys júrgizý quqyǵyna attestattalǵan jáne avarııalyq-qutqarý jumystaryn júrgizý boıynsha kórsetiletin qyzmetterdi usynatyn uıymdardyń qyzmetin retteýge, sondaı-aq qoldanystaǵy zańnamadaǵy zańnamalyq olqylyqtar men kollızııalardy joıýǵa baǵyttalǵan.

Atalǵan qujatty depýtattardyń nazaryna Indýstrııa jáne ınfraqurylymdyq damý mınıstri Beıbit Atamqulov usyndy.

– Zań jobasy boıynsha aldymen kásiporyndarda óndiristik baqylaý qyzmetterin qyzmetin reglamentteý jáne buǵan jaýapty laýazymdy tulǵalardyń mártebesin kúsheıtý usynylady. Atap aıtqanda, uıymnyń laýazymdy tulǵalaryna qyzmetkerlerdiń ómiri men densaýlyǵyna qaýip tóndiretin, talaptardy buza otyryp júzege asyrylatyn jumystardy toqtata turý ókilettigimen ónerkásiptik qaýipsizdiktiń jaı-kúıin tekserýdi uıymdastyrý men júrgizý jáne ónerkásiptik qaýipsizdik talaptaryna sáıkes kelmeıtin adamdardy jumystan shettetý quqyǵyn berý usynylady. Ekinshiden, ónerkásiptik qaýipsizdik salasyndaǵy jumystardy júrgizý quqyǵy attestattalǵan uıymdardyń jáne avarııalyq-qutqarý jumystaryn júrgizý jónindegi qyzmetterdi usynatyn uıymdardyń qyzmetin retteý kózdeledi. Bul norma 2018 jyly kásibı avarııalyq-qutqarý qyzmetterin attestattaý rásimin alynyp tastalýyna jáne «Azamattyq qorǵaý týraly» Zańynda ónerkásiptik qaýipsizdik salasyndaǵy attestattalǵan uıymdardyń qyzmetin retteıtin suraqtardyń bolmaýyna baılanysty usynylady, – dedi mınıstr.

Buǵan qosa zań jobasynda qaýipti óndiristik obektilerde taý-ken qutqarý, gazdan qutqarý, burqaqqa qarsy jumystardy júrgizý sııaqty ónerkásiptik qaýipsizdik salasyndaǵy kásibı avarııalyq-qutqarý qyzmetiniń negizgi belgilerin reglamentteý jáne olarǵa qoıylatyn talaptardy belgileý usynylady.

Sońǵy jańalyqtar

Aınurdyń júgi astanaǵa jetti

Qoǵam • Búgin, 23:04

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar