Úkimet • 27 Mamyr, 2020

Asqar Mamın BAÁ elshisine «Dostyq» ordenin tabystady

9 ret kórsetildi

Premer-Mınıstr Asqar Mamın Qazaqstandaǵy dıplomatııalyq mıssııasyn aıaqtap jatqan QR-daǵy Birikken Arab Ámirlikteriniń (BAÁ) Tótenshe jáne О́kiletti elshisi Muhammed Ahmed Sultan Isa Ál-Djaberdi qabyldady. Bul týraly Premer-Mınıstrdiń baspasóz qyzmeti habarlady.

A. Mamın M. Ál-Djaberge QR men BAÁ arasyndaǵy ekijaqty qarym-qatynasty damytýǵa qosqan qomaqty úlesi úshin bıylǵy 6 mamyrda Prezıdent Qasym-Jomart Toqaevtyń Jarlyǵymen taǵaıyndalǵan II dárejeli «Dostyq» ordenin tabystady. 

Úkimet basshysy BAÁ dıplomatymen eki eldiń saýda-ekonomıkalyq, ınvestısııalyq jáne mádenı-gýmanıtarlyq yntymaqtastyǵy máselelerin talqylady. 

BAÁ-dan QR-ǵa tikeleı sheteldik ınvestısııalardyń jalpy aǵyny $2,1 mlrd quraıdy, QR-dan BAÁ-ge — shamamen $1 mlrd. Qazaqstanda Ámirlik kapıtalynyń qatysýymen 342 birlesken kásiporyn tirkelgen. 

Kezdesýge QR syrtqy ister mınıstri M. Tileýberdi qatysty. 

Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Uqsas jańalyqtar