Prezıdent • 27 Mamyr, 2020

Bilimge bólinetin qarajat 6 ese, ǵylymǵa 7 ese ósedi - Prezıdent

3215 ret kórsetildi

Memleket basshysy Qasym-Jomart Toqaev jańa ahýal bilim berý jáne ǵylym júıesin túbegeıli reformalaýdy talap etetinin aıtty.

«Qazir aldaǵy kezeńniń  kún tártibin anyqtap alýymyz qajet. Kez kelgen memleket úshin adamı kapıtıal basty ólshemge aınaldy. Osy oraıda biliktilik máselesi aıyryqsha mańyzǵa ıe bolyp otyr. Ár azamat óziniń jeke jetistigi arqyly búkil eldiń tabysty bolýyna, ósip-órkendeýine úles qosady. Sondyqtan búgingi otyrysty adamı kapıtaldyń negizgi baǵyttaryn damytý máselesine arnadyq. Bul –  bilim berý, ǵylym jáne densaýlyq saqtaý salasy», - dedi Memleket basshysy.

Prezıdenttiń aıtýynsha, jańa ahýal bilim berý jáne ǵylym júıesin túbegeıli reformalaýdy talap etip otyr.

«Endi bul salanyń mańyzy arta túsetini anyq. Tipti, ekonomıkanyń ózi soǵan táýeldi bolmaq. Biz bilim men ǵylym salasynyń bolashaqtaǵy rólin aıqyn túsinýimiz kerek. Búkil memlekettik saıasatty soǵan sáıkes júzege asyramyz. Bilim berýdi jáne ǵylymdy damytýdyń 2025 jylǵa deıingi memlekettik baǵdarlamasy boıynsha júzege asyrylatyn reformalardy qaıta zerdeleý qajet. 2025 jylǵa deıin bilim salasyna bólinetin qarajat 6 ese, ǵylym salasyna 7 ese ósetinin eskergen jón», - dedi Q. Toqaev.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar