Prezıdent • 27 Mamyr, 2020

Úkimet dári-dármek óndirisiniń birtutas júıesin qurýy qajet - Prezıdent

50 ret kórsetildi

Bul týraly Memleket basshysy Qasym-Jomart Toqaev Ulttyq qoǵamdyq senim keńesiniń 3-otyrysynda aıtty.

«Pandemııa kezinde óńirlerdiń jyldam áreket etip, jedel sheshim qabyldaı almaıtyny baıqaldy. Densaýlyq saqtaý salasyna qatysty kóptegen másele ortalyqtyń tikeleı aralasýymen sheshilip otyrdy. Sondyqtan tótenshe jaǵdaı kezindegi basqarý isin naqty qurylymǵa saı bir ortalyqtan júrgizý kerek bolady. Sonymen birge, elimizdi dári-dármekpen jáne medısınalyq ónimdermen qamtamasyz etý isiniń olqylyqtary anyqtaldy. Biz ımportqa tym táýeldimiz. Shetelden keletin dárilerdiń naryqtaǵy úlesi 88 paıyzǵa jýyq. Farmakologııalyq zertteýler júrgizý úshin tájirıbemiz jetkilikti. Ǵylymı bazada bilikti mamandar da bar. Sondyqtan úkimet dári-dármek óndirisiniń birtutas júıesin qurýy qajet. Munda zertteý júrgizýden bastap ónerkásiptik deńgeıge deıingi úderister qamtylýy tıis», - dedi Q. Toqaev.

Memleket basshysy Úkimetke otandyq farmasevtıka ónerkásibin damytý josparyn jasaýdy tapsyrdy.

«Farmasevtıka salasyndaǵy saıasat ishki suranysty qamtamasyz etýge, ozyq tehnologııa tartýǵa jáne ımportty almastyrýǵa baǵyttalǵany jón. Osyǵan oraı farmasevtıka jáne medısına ónerkásibi salasyndaǵy memlekettik saıasatty qalyptastyrýǵa jáne iske asyrý mindeti Densaýlyq saqtaý mınıstrligine beriledi. Bul rette salany damytý jáne halyqty tıimdi dári-dármekpen qamtamasyz etýdiń tepe-teńdigi buzylmaýy kerek. Úkimetke otandyq farmasevtıka ónerkásibin damytý josparyn jasaýdy tapsyramyn. Onda naqty kórsetkishter men maqsat-mindetter aıqyndalýy tıis», - dedi Prezıdent.

Sońǵy jańalyqtar

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar