Ǵylym • 27 Mamyr, 2020

Jas ǵalymdarǵa arnalǵan granttar baıqaýyna qujat qabyldaý támamdalýǵa taıaý

23 ret kórsetildi

Qazaqstan Respýblıkasynyń Tuńǵysh Prezıdenti - Elbasy qory Qazaqstan Respýblıkasynyń joǵary oqý oryndary men ǵylymı uıymdaryndaǵy ǵylymnyń, tehnıkanyń jáne tehnologııanyń basym baǵyttary boıynsha qoldanbaly zertteýler salasyndaǵy ǵylymı jobalar men jas ǵalymdardyń jumystaryn qarjylandyrýǵa granttar baıqaýyna qujat qabyldaý merzimi 30 mamyrda aıaqtalady. 

Atalǵan baıqaý qazaqstandyq  jas ǵalymdardyń ımportty almastyratyn áleýeti, joǵary ınnovasııalyq jáne áleýmettik mańyzy bar, keleshegi zor ǵylymı ázirlemelerine qoldaý kórsetý maqsatynda jarııalanǵan bolatyn. 

Konkýrstyq irikteýge qatysýǵa ǵylymı dárejesi bar (ǵylymı kandıdat nemese ǵylym doktory nemese fılosofııa doktory (PhD), beıini boıynsha doktor) 40 jastan aspaıtyn ǵylymı qyzmetkerler (ǵylymı uıymda, joǵary oqý ornynda nemese uıymnyń ǵylymı bólimshesinde jumys isteıtinder) ǵylymı zertteýlerge belsendi qatysatyn Qazaqstan azamattary jiberiledi.

Konkýrsqa qatysýǵa ótinimderdi Indeks A25T0H5, Qazaqstan Respýblıkasy, Almaty q., Ivanılov kóshesi, 12A mekenjaıyna joldaý kerek. 

Sonymen qatar roza@fpp.kz elektrondyq poshtasy qosymsha aqparat alýǵa bolady. 

Al baıqaýdyń sharttary men talaptaryn mynaý silteme arqyly taýyp, oqı alasyz. 

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar