Aımaqtar • 27 Mamyr, 2020

Qyzylorda: Jol sapasyn halyqtyq baqylaý toby qadaǵalaıdy

58 ret kórsetildi

Qyzylorda qalasynyń ákimi Nurlybek Nálibaev oblys ortalyǵyndaǵy birqatar qurylys nysandaryn aralap, jóndelip jatqan joldar sapasyn baqylady.

Aralaý barysynda qalaǵa qarasty Qyzyljarma aýyldyq okrýgindegi Nysanbaev kóshesine tóselip jatqan joldyń sapasyzdyǵy anyqtalǵan. Mamandar asfalt qabatynyń qalyńdyǵy tıisti talaptarǵa sáıkes kelmeıtindigin aıtyp otyr.

Osyǵan baılanysty qala ákimi jaýapty merdiger mekemege kemshilikti tez arada qalypqa keltirýde qatań tapsyrdy. Olaı bolmaǵan jaǵdaıda jol jóndeý jumystary jasalmady dep tanylatyndyǵyn eskertti. Keleshekte osyndaı jaǵdaılardyń qaıtalanbaýy úshin qala ákiminiń ókimimen arnaıy top qurylyp otyr. Jol sapasyna baqylaý jasaıtyn osy top quramyna qoǵam belsendileri jáne quzyrly mekeme qyzmetkerleri engizilgen.

Bıyl «Jumyspen qamtýdyń jol kartasy» baǵdarlamasy sheńberinde oblys ortalyǵynda 200-den astam kóshe jóndeýden ótpek.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar