Sport • 27 Mamyr, 2020

Italııanyń A serııasy 13 maýsymda jalǵasady

14 ret kórsetildi

Italııanyń fýtbol basshylary koronavırýstiń kesirinen toqtylǵan A serııasy dodasy 13 maýsymda jalǵasatyny jaıynda jarııalady.

Chempıonat toqtatylǵanǵa deıingi jaǵdaıǵa kelsek, jarys kestesiniń aldyńǵy leginde qos komanda úzeńgi qaǵystyryp keledi. Olar – «Iýventýs» pen «Lasıo». 26 kezdesýden keıin týrındik klýb 63 upaı jısa, rımdikterdiń olardan bir upaıy kem. Úshinshi orynda – «Inter». 54 upaıdy qorjynǵa salǵan mılandyqtardyń basty qarsylastarynan bir oıyny kem. «Atalanta» (25 oıyn, 48 upaı) men «Roma» (26 oıyn, 45 upaı) klýbtary da úzdik bestiktiń qatarynda.

Al kósh sońynda «Breshıa» (26 oıyn, 16 upaı) men «Spal» (26 oıyn, 18 upaı). Sondaı-aq, «Lechche» men «Djenoanyń» da jaǵdaıy máz emes. Aıtýly qos komanda 25 upaıdan enshileýde.

Biraz ýaqytqa sozylǵan úzilisten keıin 13 maýsymda jalaǵasatyn jarystyń kezekti týrynda myna komandalar ózara sheberlik baıqasady: «Atalanta» –  «Sassýolo», «Inter» – «Sampdorııa», «Torıno» –  «Parma» jáne «Verona» – «Kalıarı». Al qalǵan ujymdar 20 maýsymda jasyl alańǵa shyǵady.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar