Qazaqstan • 27 Mamyr, 2020

Qazaqstan azamatyn tárbıeleıtin ult mektebiniń úlgisin jasaý usynyldy

88 ret kórsetildi

Ulttyq qoǵamdyq senim keńesiniń múshesi, qoǵam qaıratkeri Raýan Kenjehanuly Qazaqstanda ulttyq mektep úlgisin jasaýdy usyndy.

«Elimizdiń bilim berý salalarynda júrip jatqan ózgerister negizinen halyqaralyq talaptardy eskerip, naqty ǵylymdar men tehnologııa, aǵylshyn tilin oqytý baǵyttaryna basymdyq berdi. Sózsiz, bul - óte mańyzdy jáne qajet. Degenmen, bilim berýdiń álemge ortaq standarttary, halyqaralyq uıymdardyń PISA sekildi bilim sapasyn ortaq baǵalaý quraldary jáne ol uıymdardyń aqyl-keńesteri saıyp kelgende, álemdik naryqqa ámbebap maman daıyndaýǵa, Qazaqstan sekildi elderdiń qabiletti degen balalaryn damyǵan elge tartýǵa, jalpy alǵanda, álem azamattaryn tárbıeleýge baǵyttalǵany aıdan anyq», - dep atap ótti R. Kenjehanuly.

Raýan Kenjehanuly Qazaqstannyń tarıhy men ólketanýy, ult óneri men dástúrin ozyq ádisteme negizinde jańasha oqytatyn ulttyq mektep úlgisin jasaýdy usyndy.

«Álem azamaty rýhynda bilim men tárbıe alǵan bala Qazaqstannyń naǵyz janashyry bolyp ósýi ekitalaı. Sondyqtan, Qazaqstanǵa ulttyq mektep úlgisi qajet dep esepteımiz. Naqty ǵylymdar, tehnologııa, aǵylshyn tilimen qatar, tipti odan buryn qazaq tili men ádebıeti, Qazaqstannyń tarıhy men ólketanýy, ult óneri men dástúrin ozyq ádisteme negizinde jańasha oqytatyn, sol arqyly álem azamaty emes, biraq álemnen habary bar Qazaqstan azamatyn tárbıeleıtin ult mektebiniń úlgisin jasaýdy usynamyz. Mundaı mekteptiń baǵdarlamasyn qurastyrýǵa Keńeske múshe azamattar da úles qosady dep oılaımyz. О́zimiz de oǵan belsene aralasýǵa daıynbyz», - dedi spıker.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar