Aımaqtar • 27 Mamyr, 2020

Nur-Sultanda sanıtarlyq normalardy saqtamaǵan birqatar nysan jabyldy

19 ret kórsetildi

Ákimdiktiń mobıldi toby polıseıler jáne epıdemıolog mamandarmen birlesip, sanıtarlyq normalardy buzǵan nysandardy anyqtaý úshin kún saıyn reıd júrgizedi. Mamyrdyń 21-26 aralyǵynda 150 kásiporyn tekserildi. Sanıtarlyq normalardy buzǵan 12 nysan jabyldy, olar dámhana, meıramhana, bar, azyq-túlik dúkeni, spa-salon jáne t.b. «Brýno», «Roofork» jáne t.b. sııaqty birqatar nysanǵa aıyppul salyndy.

Jumysyn qaıta bastaǵan nysandar sanıtaızerler ornatyp, qyzmetkerleri men kelýshileri maska kıip, araqashyqtyqty ustaný sııaqty sanıtarlyq normalardy saqtaýy tıs. Eske sala keteıik, 18 mamyrdan bastap qonaqúı keshenderi, qoǵamdyq tamaqtaný oryndary, dámhanalar, meıramhanalar, dinı qulshylyq etý oryndary (kelýshileri bir mezgilde 50-den aspaıtyn) jumysyn qaıta bastady. Otbasylyq jáne basqa da is-sharalardy ótkizýge tyıym salynady.

Sanıtarlyq dárigerdiń qaýlysymen COVID-19 indeti tolyqtaı joıylmaıynsha túngi klýb, fıtnes klýb, jattyǵý zaldary, spa salondar, massaj kabınetteri, kosmetologııalyq ortalyqtar, klınıkalar, ortalyqtar jáne t.b. jumysyna tyıym salyndy.

Buǵan deıin sanıtarlyq talaptardy buzǵan 26 nysan jabyldy. Onyń ishinde qurylys komapnııalary, dúkender, dámhanalar men meıramhanalar bar. Bul nysandar sanıtarlyq-epıdemıologııalyq normalardyń qatań saqtalýyn qamtamasyz etpeıinshe jabyq bolady. 150 kásiporyn eskertý aldy. Mundaı qatań sharalar koronavırýstyń talaýyna jol bermeý úshin qabyldandy.

Aıta keterligi, elordada maska taǵý rejımi saqtalýda. Halyq kóp júretin jerler men qoǵamdyq kólikterde maskamen júrý kerek.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar