Tehnologııa • 27 Mamyr, 2020

Jasandy ıntellekt qyzmetkerlerdiń tapqyrlyǵy men nátıjeliligin arttyrady

15 ret kórsetildi

Microsoft korporasııasy jumys ornynda jasandy ıntellektti (JI) paıdalaný qyzmetkerlerdi anaǵurlym tapqyr jáne qabiletti etetini týraly KRC jańa halyqaralyq zertteýleriniń derekterin jarııalady. 2020 jyldyń naýryz aıynda ótkizilgen saýalnamaǵa 20 eldegi iri kompanııalardyń 12 000 qyzmetkeri qatysty. Zertteý nátıjeleri kórsetkendeı,  iri kásiporyndar iskerlik basymdyqtardy ornalastyrý, jalpy jaǵdaıdy taldaý, sondaı-aq ońaı tapsyrmalardy oryndaýdy avtomattandyrý úshin jasandy ıntellekt qoldanýdan aıtarlyqtaı paıda kóredi.

«Bul barlyq kompanııalar úshin kólemine, sektoryna nemese ornalasqan jerine qaramastan teńdesi joq sát. Aldaǵy aılar men jyldardyń pandemııaǵa jáne onyń saldarlaryna beıimdelýge kóptegen kompanııalar úshin sheshýshi mańyzy bar. Jasandy ıntellekt sıfrlyq bolashaqtyń negizi bolyp tabylady. Biz JI osy qıyn kezeńde kompanııalarǵa ıkemdi jáne básekege qabiletti bolýǵa kómektesý úshin mańyzdy ról atqarýdy jalǵastyrady dep esepteımiz. Adamnyń tapqyrlyǵyn arttyrý úshin osy tehnologııany paıdalaný jasandy ıntellekttiń basty áleýeti bolyp tabylady. Sondyqtan, adamnyń daǵdylaryn damytýǵa, sondaı-aq jańa sıfrlyq tehnologııalardy engizýge nazar aýdarýdy jalǵastyrý mańyzdy»,  dep Qazaqstandaǵy Microsoft kompanııasynyń bas dırektory Tıbor Koleıak atap ótti

Zertteý nátıjeleri boıynsha, JI uzaq ýaqyt boıy qoldanǵan kompanııalardyń kórsetkishteri joǵary. Osy kompanııalardyń top-menedjerleriniń 84,4%-y jasandy ıntellekt negizinde sheshimderdi qoldanýdyń bastapqy satylarynda ornalasqan kompanııalar atynan ókildik etetin top-menedjerlerdiń 58,9%-ben salystyrǵanda kásiporyndardyń kommersııalyq qunynyń artqany týraly habarlady.

Aǵa-menedjerlerdiń 84,7%-y jáne uzaq ýaqyt boıy JI paıdalanǵan kompanııalar atynan ókildik etetin qyzmetkerlerdiń 62,1%-y  ózderin «qosymsha shyndyq qyzmetkerleri» retinde sezinetinin aıtty. Sebebi JI ońaı mindetterden bastap kúrdeli sheshimder qabyldaýǵa deıin olardyń kúndelikti jumysyna qatysady.

Jasandy ıntellektpen basqarylatyn kompanııalardyń kópshiligi (80,6%) prosesterdi ońtaılandyrýdan utady. Sonymen qatar, olardyń qyzmetkerleri óz betimen aldyna qoıylǵan mindetterdi sheshý úshin jasandy ıntellektti paıdalanady.

Uzaq ýaqyt boıy JI qoldanatyn kompanııalardyń ókilderiniń 56,7%-y JI jańa ónimder men qyzmetterdi damytýǵa kómektesetinin aıtty. Bul týraly jasandy ıntellektti paıdalanýdyń bastapqy kezeńderinde respondentterdiń 28,1%-y ǵana málimdedi.

Jasandy ıntellekt salasyndaǵy sarapshy jáne Exponential View negizin qalaýshy Azım Azardyń aıtýynsha, «jańa jaǵdaıda kompanııalarǵa óz qyzmetin  qaıta bastaý úshin qyzmetkerlerdiń tapqyrlyǵy qajet. Innovasııalyq jáne ıkemdi uıymdar klıenttermen, seriktestermen jáne basqa da múddeli taraptarmen jańa qarym-qatynas qurýǵa neǵurlym jaqsy daıyn. Zertteýge sáıkes, jasandy ıntellektti óz basqarýynda paıdalanatyn kompanııalardyń jaǵdaıy jaqsy, óıtkeni olar adamdardy jan-jaqty damytýǵa jáne óz qyzmetkerleriniń qabyletin jańa tehnologııalardy paıdalaný arqyly arttyrýǵa kóp kóńil bóledi».

Basqarýyna JI qatysy bar barlyq kompanııalar (93,9%) qyzmetkerlerin qosymsha oqytýǵa qarjy bólingenin nemese ony jaqyn arada jasaýdy josparlap otyrǵanyn rastaıdy. Bul kompanııalar óz qyzmetkerleriniń ártúrli daǵdylaryn damytady: derekterdi taldaýdan kommýnıkasııaǵa deıin.

12-30 naýryzda KRC zertteý kompanııasy ınternet arqyly 250 qyzmetkeri bar iri kompanııalarda jumys isteıtin shamamen 12 000 adamnan kezdeısoq irikteýdi qurady. Kem degende 500 qyzmetker men 100 menedjerler árbir naryq úshin usyný úshin irikteldi. Saýalnamaǵa Germanııa, Ulybrıtanııa, Reseı, Polsha, Chehııa jáne Slovakııa (bir naryq retinde), Vengrııa, Avstralııa, Brazılııa, Izraıl, Túrkııa, Ońtústik Afrıka, Birikken Arab Ámirlikteri, AQSh, Úndistan, Kanada, Italııa, Nıderlandy, Ispanııa jáne Shvesııa kompanııalary qatysty.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar