Aımaqtar • 27 Mamyr, 2020

Aqtóbelik azamattyń kóliginen kıiktiń múıizderi tabyldy

33 ret kórsetildi

Aqtóbe oblysy Áıteke bı aýdanynyń turǵynynyń kóliginen kıiktiń múıizderi tabyldy, – dep habarlaıdy Polisia.kz.

21 mamyr kúni Aqtóbe oblysy PD krımınaldyq jáne tabıǵatty qorǵaý polısııasynyń qyzmetkerleri Áıteke bı aýdanynda Basqudyq aýylynyń janynda jergilikti turǵyndy ustady.

Túnde Áıteke bı aýdany Basqudyq aýylynyń mańynda jergilikti turǵynnyń basqarýyndaǵy «Tulpar» markaly motosıkl toqtatyldy. Kólikti tekserý kezinde kıiktiń alty múıizi tabylyp, tárkilendi. Ustalǵan adamnyń aıtýy boıynsha, aqbókenderdi ol atpaǵan, dalada atylǵan kıikterdi taýyp, múıizderin kesip alǵan.

Qundy derıvattar tárkilendi, QR Qylmystyq kodeksiniń 339-baby (sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter men janýarlar túrlerimen, olardyń bólshekterimen nemese derıvattarymen zańsyz qarym-qatynas) boıynsha tergeý bastaldy. Jyl basynan beri Aqtóbe oblysynda polısııa qyzmetkerleri aqbókendi zańsyz aýlaýdyń eki faktisin, sondaı-aq derıvatıvpen zańsyz aınalysýdyń bes faktisin anyqtady.

Aqbókenderdi zańsyz aýlaý, olardyń múıizderin satý jáne t. b. faktilerdi tirkeý jalǵasyp jatyr. Aqtóbe oblysynyń Polısııa departamenti aımaq turǵyndaryn sırek kezdesetin janýarlardy qorǵaý týraly zańnamany buzbaýǵa jáne qorshaǵan ortaǵa uqypty qaraýǵa shaqyrady.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar