Aımaqtar • 27 Mamyr, 2020

Pavlodar oblysynyń eks-ákimi Bolat Baqaýovqa qatysty sot úkimi shyqty

74 ret kórsetildi

Pavlodar qalalyq №2 sotynyń sýdıasy Nurlan Qaıyrbekov B. Baqaýovty úsh jyl, alty aı bas bostandyǵyn shekteý jáne ómir boıy memlekettik qyzmet atqarý quqyǵynan aıyrý jazasyn taǵaıyndady. Bul týraly QazAqparat tilshisi habarlady.

Bolat Baqaýovtyń qylmystyq jolmen nemese qylmystyq jolmen ıemdengen qarajatqa satyp alǵan múlkiniń joqtyǵyna baılanysty oǵan múlkin tárkileý qosymsha jazasy taǵaıyndalǵan joq.

Joǵarǵy sottyń 7.07.2016 jylǵy №4 Normatıvtik qaýlysynyń 14-tarmaǵyna sáıkes, prosessýaldyq kelisimge kelý úshin kúdiktiniń kinásin moıyndaýy mindet emes. Onyń kúdik pen iske qatysty aıǵaqtardy joqqa shyǵarmaǵany jetkilikti. «Úı qamaǵy» bultartpaý sharasy alynyp tastaldy. Oǵan deıin Bolat Baqaýovqa QR QK 362-baby, 4-bóliminiń, 3-tarmaǵyna sáıkes aıyp taǵylǵan edi (bılikti nemese laýazymdyq ókilettikterdi asyra paıdalanýdy, laýazymdy adam bola tura, óziniń quqyqtary men ókilettikteriniń sheginen anyq shyǵatyn jáne memlekettiń zańmen qorǵalatyn múddelerine eleýli zııan keltirýdi, basqa adamdarǵa paıda men artyqshylyqtar alý jáne uıymdarǵa zııan keltirý maqsatynda jasalǵan is-áreketter).

Oǵan baılanysty múlikti tárkileýmen birge bes jyldan on jylǵa deıin bas bostandyǵynan aıyrý sanksııalary kózdelgen bolatyn.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar