Aımaqtar • 27 Mamyr, 2020

Shymkent: Eńbek kodeksine engizilgen ózgerister men tolyqtyrýlar túsindirildi

57 ret kórsetildi

Búgin aqparattyq-kommýnıkasııalyq ortalyǵynda Shymkent qalasy Eńbek ınspeksııasy jáne kóshi-qon basqarmasynyń basshysy Baýyrjan Qaljanovtyń qatysýymen QR Eńbek Kodeksine engizilgen ózgerister men tolyqtyrýlar týraly onlaın-brıfıng ótti.

Brıfıngte belgili bolǵandaı, QR Prezıdenti Qasym-Jomart Toqaev 04.05.2020 jyly «Qazaqstan Respýblıkasynyń keıbir zańnamalyq aktilerine eńbek máseleleri boıynsha ózgerister men tolyqtyrýlar engizý týraly» Zańyna qol qoıǵan. Bul Zań elimizdiń 2010 jyldan 2020 jylǵa deıingi kezeńge arnalǵan quqyqtyq saıasat tujyrymdasyna sáıkes ázirlengen. 
 
Atap ótsek:  
– Azamattardyń eńbek jáne áleýmettik quqyqtaryn tolyq iske asyrýǵa qajetti jaǵdaılardy jasaý bóligindegi eńbek qatynastaryn retteý; 
– Jumys berýshiler men jumysshylardyń ókilderiniń quziretterin reglamentteýdi kózdeıtin áleýmettik áriptestik qatynastardy retteý;
– Eńbekti qorǵaýdy basqarý júıesin endirýdi kózdeı otyryp, eńbek qaýipsizdigi jáne eńbekti qorǵaý.
Baýyrjan Ahmetáliulynyń málimdeýinshe, QR Eńbek Kodeksine 131 ózgerister men tolyqtyrýlar engizilgen. Shıratyp aıtsaq, 67 bap ózgertilip, 41 talap jańarǵan. Osy rette basqarma basshysy olardyń ishindegi mańyzdylaryna toqtaldy.
 
1. Zań eńbek sharttaryn túzý jáne esepke alý prosesin avtomattandyrady. Osyǵan baılanysty «eńbek sharttaryn esepke alýdyń biryńǵaı júıesin» engizilgen; 
2. Eńbek salasynda jumyskerdiń quqyqtary men bostandyqtaryna shekteý jasaý faktiler boıynsha jumyskerlerdi jaýapkershilikke tartý normasy engizilgen;
3. Buryn jumyskerdi áskerı qyzmette boryshyn óteýge shaqyrtýlar eńbek shartyn toqtatýǵa negiz bolǵan bolsa, qazir jumys berýshige azamattyń jumys ornyn saqtaýdy mindetteýdi qarastyrady; 
4. Eńbek shartynda jumyskermen kelisim boıynsha habarlama bermeı-aq, ótemaqy tólemin júrgizip, jumys berýshige eńbek shartyn toqtatýǵa múmkindik bergen 50-baptyń 3-tarmaǵy alynyp tastalǵan; 
5. Eńbek qaýipsizdigi jáne eńbekti qorǵaý jóninde áleýmettik áriptestik salasynda naqtylaý sıpatyna ózgeris engizilgen.
 
Onlaın-brıfıng barysynda Baýyrjan Ahmetáliuly BAQ ókilderi tarapynan qoıylǵan ózekti saýaldarǵa jan-jaqty jaýap berdi.
Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar