Qazaqstan • 27 Mamyr, 2020

Qazaqstandyqtar únemdeıdi: sáýir aıynda ınternettegi shyǵyndar 13% tómendedi

20 ret kórsetildi

Covid-19 pandemııasyna qarsy kúreske baılanysty qatań sharalar engizilgendikten, saýda jelileri men bıznes-ortalyqtarynyń jabylýy eldegi qolma-qol aqshasyz kartochkalyq tólemderdiń kólemi sáýir aıynda aıtarlyqtaı tómendegenin kórsetti. О́tken aıdyń qorytyndysy boıynsha kórsetkish 18%, ıaǵnı 1 763,7 mlrd teńgeni qurap, ótken úsh aıdyń oń dınamıkasyn úzip aldy. Sonymen qatar, ótken jyldyń osy kezeńimen salystyrǵanda kórsetkishtiń oń dınamıkasy saqtalyp tur – 839,7 mlrd teńgeden 2,1 ese ósti.

Sonymen qatar, ońtústik astanada qolma-qol aqshasyz tólemderdiń az túskeni kórindi (1-kesteni qarańyz), Almaty qalasynyń QR aýmaǵynda jasalǵan kartochkalyq tólemderdiń jalpy kólemindegi úlesi sáýir aıynyń qorytyndysy boıynsha burynǵy 34%-dan 40%-ǵa deıin ósti. Odan ári Nur-Sultan – 14,4% (buryn 16,3%) jáne Túrkistan oblysymen Shymkent qalasy – 8,1% (7,6%).

Sáýir aıynda ekonomıkalyq belsendiliktiń aıtarlyqtaı quldyraýy saldarynan Qazaqstanda tólem kartalary boıynsha operasııalardyń jıyntyq kólemi (qolma-qol aqshany alý + qolma-qol aqshasyz) 2 776,9 mlrd teńgege deıin, ıaǵnı 20,3%-ǵa tómendegenin kórsetti. Salystyrmaly parametrlerdegi negizgi tómendeý bankomattardan alýǵa týra keledi – mınýs 24,2% 1 013,2 mlrd teńge belgisine deıin. Osy oraıda, kartochkalar boıynsha qolma-qol aqshasyz tólemder kóleminiń bankomattardaǵy qolma-qol aqshany alýǵa qatynasy sáýir aıynda 174%-ǵa deıin, al aı saıyn 161%-ǵa deıin ósti. Esterińizge sala keteıik, bir jyl buryn 2019 jyldyń sáýirinde bul kórsetkish 67% bolǵan.

Qolma-qol aqshasyz tólemder kólemi sáýir aıynda eldiń barlyq óńirlerinde tómendedi, alaıda Almaty qalasy men Almaty oblysynda tıisinshe 4% jáne 6% tómendegeni baıqalady. Sonymen qatar, 2019 jylǵy sáýirmen salystyrǵanda el aýmaǵynda qolma-qol aqshasyz tólemderdiń oń serpini saqtalýda.

 

Sáýir aıynda kartochkalardy paıdalana otyryp qolma ­­­ qol aqshasyz tólemder boıynsha «ortasha chek» 12 976 teńgeni (naýryz aıynda – 13 279) qurady, al bankomattan alý somasynyń ortasha mólsheri osy mólsherden 4 ese asyp, 50875 teńgeni (naýryz aıynda – 48 184) quraıdy.

 

Sonymen qatar, POS-termınaldar arqyly qolma-qol aqshasyz tólemder sáýirde 292,3 mlrd teńgege deıin 35,1%-ǵa tómendedi, al ınternette tólem azaıǵan – 1 462,1 mlrd teńge belgisine deıin 12,9%-ǵa tómendedi. Osylaısha, qolma-qol aqshasyz kartochkalyq tólemder kóleminiń 82,9%-y (buryn 78,2%) ınternette tóleýge, al 16,6%-y (buryn 21,0%) – POS-termınaldar arqyly tóleýge keledi. Bul rette sońǵy 12 aıda Qazaqstanda kartochkalar boıynsha tranzaksııalardyń jalpy kóleminde POS-termınaldardyń úlesi 18%-ǵa tómendedi.

Qolma-qol aqshasyz tólemder dınamıkasy boıynsha kelesi derekterdi jarııalaý 26 maýsymǵa josparlanǵan.

 

 

 

ALMATY

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar