Ekonomıka • 27 Mamyr, 2020

Ken oryndarda munaı óndirý jumystary toqtaǵan joq - Nurlan Noǵaev

20 ret kórsetildi

Bul týraly Energetıka mınıstri halyq aldynda esep berý kezdesýinde aıtty. Bul týraly Energetıka mınıstrliginiń baspasóz qyzmeti habarlady.  

Nurlan Noǵaevtyń aıtýynsha, OPEK+ kelisimine qatysý suranys pen usynys teńgerimin qalpyna keltirýge jáne de munaı baǵasyn qalpyna keltirýge baǵyttalǵan. Qoımalardaǵy munaıdyń tolyp ketý qaýpin boldyrmaý úshin Energetıka mınıstrligi orta, iri jáne óte iri ken oryndarynda óndirýdi shekteý týraly sheshim qabyldady. Ken oryndarynyń barlyq túrleri úshin munaı óndirýdi azaıtý jónindegi mindettemelerdi ádil bólý kózdelgen bolatyn.

- Eger biz munaı óndirýdi qysqartpaǵan jaǵdaıda, 2020 jyldyń ekinshi toqsanynda munaı saqtaý oryndarynyń tolyp ketýine, keıbir ken oryndarynda munaı óndirýdiń toqtap qalýyna ákelýi múmkin edi, - dedi Noǵaev. Mámilege qatysýdyń arqasynda naryqtyń barlyq qatysýshylary munaı óndirýdiń baqylanýyna jáne birtindep tómendeýine qol jetkizdi. Biz keıbir ken oryndarynda óndirýdi tolyq toqtatpaı, barynsha aýyrtpalyqsyz qysqartý júrgizdik.

2020 jyldyń mamyr-maýsym aılarynda OPEK+ kelisimine qatysýshy elder munaı óndirýdi táýligine  9,7 mln barrelge qysqartýdy josparlap otyr. Qazaqstan táýligine 390 myń barrelge óndirýdi qysqartý mindetin óz moınyna aldy.

Qazaqstandaǵy ortasha táýliktik munaı óndirý (kondensatsyz) 25 mamyrdaǵy jaǵdaı boıynsha 177,8 myń tonna munaıdy quraıdy, bul OPEK+ mámilesiniń mindettemelerin oryndaǵanyn kórsetedi.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar