Ekonomıka • 27 Mamyr, 2020

Taýarlyq gazdyń kóterme saýdadaǵy shekti baǵasy bekitildi

60 ret kórsetildi

«Saryarqa» magıstraldyq gaz qubyry qurylysynyń arqasynda Nur-Sultan qalasy, Aqmola jáne Qaraǵandy oblystarynyń turǵyndary kógildir otyndy paıdalanýǵa múmkindik aldy. Bul týraly Energetıka mınıstri Nurlan Noǵaev halyq aldynda esep berý kezinde aıtty.

Qyzylorda oblysynan bastalatyn «Saryarqa» gaz qubyry elimizdiń astanasyn, ortalyq jáne soltústik óńirlerdi kógildir otynmen qamtamasyz etýge múmkindik beredi.

Nur-Sultan qalasynyń, Aqmola jáne Qaraǵandy oblystarynyń tutynýshylary úshin Energetıka mınıstrligi shekti kóterme baǵany 1000 m3 úshin QQS-syz 24 537 teńge mólsherinde bekitti. 

Taýarlyq gazǵa shekti kóterme baǵany Energetıka mınıstrligi Qazaqstan Respýblıkasynyń Ulttyq ekonomıka mınıstrligimen kelisý arqyly ulttyq operatordyń taýarlyq gazdy satyp alýǵa jáne taýarlyq gazdy tasymaldaýǵa ketken shyǵyndaryna súıene otyryp, óńirlerdi gazben qamtýdyń  ekonomıkalyq jáne áleýmettik jaǵdaılaryn eskere otyryp, bekitedi.

Qazirgi ýaqytta magıstraldyq gaz qubyryna qosý úshin jergilikti atqarýshy organdar (Nur-Sultan qalasy, Qaraǵandy jáne Aqmola oblystarynyń ákimdikteri) gazdy odan ári halyqqa berý úshin gaz taratý jelileriniń qurylysy boıynsha jumystar júrgizip jatyr.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar