Qazaqstan • 27 Mamyr, 2020

Qazaqstanda qashyqtan oqytýdy resmı zańdastyrýy múmkin

261 ret kórsetildi

Qazaqstanda qashyqtan oqytýdy resmı zańdastyrý týraly usynysty Ulttyq qoǵamdyq senim keńesiniń múshesi Raýan Kenjehanuly aıtty.

«Bilim berýdiń sapasyn arttyryp, ári ony bar aımaqta qoljetimdi etý úshin qashyqtan jáne onlaın oqytý tehnologııalaryn júıeli túrde jáne keńinen engizý suranyp tur. Sońǵy 10 jylda álem boıynsha qarqyndy damyǵan bul tehnologııalar óz tıimdiligin dáleldedi. Ásirese, jahandyq karantın saldarynan jappaı qashyqtan oqytýǵa kóshý bul ádisterdiń zor múmkindikterin kórsetti. Árıne, mektep jáne kolledjderdi, JOO-ny tolyq onlaınǵa ótkizý mindeti turǵan joq. Bul múmkin de emes», - dep atap ótti ol.

Onyń aıtýynsha, ár oqýshynyń jeke qabileti men múmkindikterin eskere alatyn, sol arqyly oqytýdyń tıimdiligin arttyratyn tehnologııalardy bilim berýge qazirdiń ózinde engizýge bolady.

«Ol úshin aldymen qashyqtan oqytýdy Qazaqstanda resmı túrde tanylǵan bilim berý formasy qataryna qosyp, ony Bilim týraly zańǵa kirgizý qajet dep oılaımyz. Qashyqtan oqytý tehnologııasyn qoldanatyn oqý oryndaryna qoıylatyn ádistemelik jáne tehnologııalyq talaptardy aıqyndap, olarǵa bólek lısenzııa bergen abzal. Bul másele shuǵyl sheshilmese, óz elinde otyryp, sheteldik oqý platformalaryn tańdaıtyn qazaqstandyq qashyqtan oqýshylar kóbeıedi. Qazirdiń ózinde bizdiń esebimizshe 30 myńnan astam qazaqstandyq oqýshylar ıen stýdentter qazaqstandyq baǵdarlama, standart pen talapty múldem eskermeıtin sheteldik onlaın mektep pen ýnıversıtetterde oqyp jatyr. Bul máselege qatysty usynystar men zańǵa enýi qajet tolyqtyrýlar men ózgerister jobasyn mınıstrlikke tapsyrdyq», - dedi R. Kenjehanuly.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar