Qoǵam • 27 Mamyr, 2020

Qarýly kúshterde mobıldi PTR-zerthanalar qurylady

11 ret kórsetildi

Qorǵanys vedomstvosynda Qorǵanys mınıstrligi men Bas shtab bólimsheleriniń basshylyq quramymen apparattyq keńes ótti. Keńes barysynda burynǵy áskerı qyzmetshilerdi turǵyn úımen qamtamasyz etý, áskerı-medısınalyq qyzmet jumysyn jetildirý jáne áskerdegi basqa da kúndelikti tirshiligine qatysty  máseleler talqylandy. Bul týraly Qorǵanys mınıstrliginiń baspasóz qyzmeti habarlady.

Eldegi tótenshe jaǵdaı rejımi joıyldy, onymen birge  konstıtýsııaǵa sáıkes  pandemııany tazartý jumystaryna Qarýly Kúshterdi jumyldyrý toqtatyldy. Degenmen, koronavırýs qaýpi sııaqty karantındik shekteýler áli de saqtalady. Qarýly Kúshterde jeke quram arasynda koronavırýstyq ınfeksııanyń taralýyna jol bermeý jónindegi is-sharalar jalǵasýda.

Koronavırýs pandemııasy qandaı baǵyttardy damytý mańyzdy ekenin kórsetti. Olardyń ishinde Qarýly Kúshterdiń áskerı-medısınalyq qyzmeti bar. COVID-19 jáne ınfeksııalardyń basqa da túrlerin anyqtaýǵa múmkindik beretin jeke PTR-zerthanasyn qurýǵa  jańa serpin berdi.

Kez kelgen jerde óristetý múmkindigimen tolyqqandy qamtamasyz etilgen mobıldi PTR-zerthanalardy qurý kelesi qadam bolady. Bul týraly Qorǵanys mınıstri tıisti tapsyrma berdi.

Qolbasshylyq jeke quramnyń densaýlyǵyna erekshe nazar aýdardy. Osy maqsatta eńbek jáne demalys rejımi qyzmetti uıymdastyrý múddelerin eskere otyryp uıymdastyrylǵan. Demalystaǵy áskerı qyzmetshilerdiń vırýsty juqtyrý jaǵdaılary anyqtalǵanyn eskere otyryp, medısına qyzmetkerleriniń eki apta merzimge jáne basqa da áskerı qyzmetshilerdiń úsh aptaǵa deıingi merzimge demalysyna moratorıı engizý tapsyryldy.

Apparattyq keńeste turǵyn úımen qamtamasyz máselesi qozǵaldy. Qorǵanys Mınıstrligi Qarýly Kúshterdiń turǵyn úı qorynyń qolda bar resýrsy esebinen burynǵy áskerı qyzmetshilerdi turǵyn úımen qamtamasyz etý máselesin sheshýdi kózdeıdi. Áskerı basshylyqpen azamattarǵa qoldanystaǵy turǵyn úı zańnamasynyń normalaryn túsindirý tapsyryldy.

Josparly oqý sabaqtaryn ótkizý kezinde qaýipsizdikti qamtamasyz etý maqsatynda mınıstr jylyna eki ret jáne iri aýqymdy oqý-jattyǵýlardy aıaqtaǵannan keıin oqý polıgondaryn tutas tazartý boıynsha jumystardy jalǵastyrýdy tapsyrdy.

Áskerı obektilerdiń qaýipsizdigin qamtamasyz etý ózekti mindetterdiń biri bolyp sanaldy. Jýyrda Taldyqorǵan garnızonynyń áskerı bólimderiniń birinde kezekshi narıadtyń kúshimen ushqyshsyz ushý apparaty zalalsyzdandyryldy. Zańsyz túsirilim júrgizgen apparattyń ıesi ustaldy. Tártip buzýshy quqyq qorǵaý organdaryna jiberildi.

Apparattyq keńes barysynda áskerı qyzmetshilerdiń jaýyngerlik daıarlyǵynyń máselesi qaraldy. Ekinshi josparda qalyp qoıǵan bul máseleni túzetý qajet. О́ıtkeni Qarýly Kúshterdiń negizgi mindeti jaýyngerlik qabilettiń jáne daıarlyqtyń joǵary deńgeıin qamtamasyz etý bolyp tabylady. Komandırlerge sanıtarııalyq-epıdemıologııalyq qaýipsizdik sharalaryn saqtaı otyryp, jaýyngerlik kezekshilik pen qyzmet atqarýdyń josparly rejımine kóshý tapsyryldy.

Sońǵy jańalyqtar

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Uqsas jańalyqtar