Aımaqtar • 27 Mamyr, 2020

Shymkentte kásipkerlerdi qoldaıtyn «Bızneske arnalǵan Úkimet» keńsesi ashylady

17 ret kórsetildi

Shymkent qalasynyń ákimi Murat Áıtenov jaqyn kúnderi jumysyn bastaıtyn «Bızneske arnalǵan Úkimet- Shymkent INVEST» keńsesiniń daıyndyq jumysymen tanysty.

Investorlar men kásipkerlerge qyzmet kórsetýdiń biryńǵaı ortalyǵy jobasyn ákimdik pen Kásipkerler palatasy birlese júzege asyryp otyr. Munda qala kásipkerleri men ınvestorlarǵa «bir tereze» negizinde memlekettik qoldaý jáne memlekettik qyzmet kórsetiletin bolady.

Bul joba- kásipkerlerdi qoldaý maqsatynda ázirlengen daǵdarysqa qarsy is-shara jospary aıasynda júzege asyrylyp otyr.

Front-ofıstiń jumysymen tanystyrǵan Shymkent qalasynyń kásipkerler palatasynyń dırektory Nurlan Qabyshtaev óńirlik palatanyń konsýltanttary BJK-2025 baǵdarlamasy aıasynda servıstik qyzmettiń 6 túrin usynatynyn atap ótti.

Osy rette, Murat Dúısenbekuly keńsede kórsetiletin qyzmettiń sapasyna basa nazar aýdarýdy aıtyp, kelýshilerge memleketten beriletin qoldaýlar týraly keńinen túsindirýdi tapsyrdy.

Osy jyldyń 1 maýsymynan bastap tolyqqandy jumysyn bastaıtyn front-ofıste «SHYMKENT ÁKK» «DAMÝ» qory men «Azamattarǵa arnalǵan úkimet» memlekettik korporasııasynyń (HQKO) konsýltanttary men memlekettik organdardyń qyzmetkerleri de osynda bolady.

Munda barlyq qyzmetterdi bir jerden alý úshin kásipkerlerge yńǵaıly jaǵdaı jasalǵanyn aıtqan palata dırektory ortalyqqa - kásipker bıznesinde týyndaǵan suraqtardyń kúrdeliligine qaramastan júgine alatynyn atap ótti.

Keńse jumysymen tanysý barysynda «Shymkent» ÁKK» korporasııasynyń basshylyǵy ákimge jurtshylyqpen jumys isteý jáne Shymkent qalasynyń kásipkerleri úshin barlyq qajetti jaǵdaılar jasaý týraly tujyrymdama usynyldy.

Korporasııa basshysy Baýyrjan Kankınniń aıtýynsha, barlyq memlekettik baǵdarlamalar men kásipkerlermen tyǵyz jumys jasaıtyn memlekettik ınstıtýttardyń qyzmetin bir paketke biriktirý úshin tıptik jospar qajet ekenin aıtty. Bolashaqta olar kásipkerlerdiń jobalaryn qurylymdaıtyn bolady,-dedi ol.

Bul joba - isin jańa bastaǵan jáne jumys istep turǵan kásipkerler úshin óte yńǵaıly ekenin aıtqan qala basshysy munda eń bastysy kásipkerdiń ýaqyty únemdelip, memlekettik baǵdarlamalar sheńberinde qarjylandyrýdyń qoljetimdiligi artady dedi.

Aıta keteıik, «Bızneske arnalǵan Úkimet- Shymkent INVEST» keńsesi Shymkent qalasy kásipkerler Palatasy ǵımaratynyń birinshi qabatynda ornalasqan.

Sońǵy jańalyqtar

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar