Aımaqtar • 27 Mamyr, 2020

Almatyda tekserýden múdirmeı ótken dúkender ǵana ashylady

100 ret kórsetildi

Almaty qalasynyń ákimi Baqytjan Saǵyntaev BAQ ókilderi úshin ótkizgen brıfıng barysynda qalanyń sanıtarlyq-epıdemıologııalyq jaǵdaıyn turaqtandyrý sharalary jáne sanıtarlyq qaýipsizdik erejelerin saqtaý týraly aıtyp ótti.

Ákimniń sózinshe, Tótenshe jaǵdaı kezinde ózin-ózi oqshaýlaý men karantındik sharalardy iske asyrý jurtshylyqtyń indetti jappaı juqtyrýyna tosqaýyl boldy. Sonyń arqasynda qalalyqtar arasynda aýyr zardaptar oryn alǵan joq.

Indetten saqtanýǵa yqpal etetin maskalardy kóshede kııý juqtyrý táýekelin azaıtady. Sonymen qatar, DDU málimeti boıynsha adamdar mınýtyna orta eseppen 3-5 ret betin baıqaýsyzda taza emes qolymen ustaıdy eken. Al onyń qolynda vırýstyń bolýy ábden múmkin.

«Jabyq nysandarda bolǵandardyń barlyǵy mindetti túrde maska kııýleri tıis. Olar – dárihanalar, dúkender, ofıster, meduıymdar, HQKO, qoǵamdyq kólik, COVID-19 qaýpi bar janǵa kómek kórsetken kezde mindetti túrde maska kıgen jón.

Quramyna Taýarlar men kórsetiletin qyzmetterdiń sapasy men qaýipsizdigin baqylaıtyn Departamenttiń aýdandyq basqarmalarynyń mamandary engen mobıldi toptar karantın rejimin buzǵan nysandardy anyqtaý úshin sol jerlerge baryp, monıtorıng júrgizedi. Búgingi kúnge deıin bizdiń mamandarymyz ýaqytsha karantın talaptaryn saqtamaǵan azyq-túlik nysandaryna 69 ákimshilik aıyppul saldy jáne qoǵamdyq tamaqtaný oryndaryna 2 ákimshilik hattama toltyrdy. Azyq-túliktik emes dúkender, quramyna ákimdiktiń, SEQ-tiń, «Atameken» RKP qyzmetkerleri engen jumys júrgishzetin tekserýden múdirmeı ótken soń ǵana ashylady.  Bul nusqaýlyqtyń oryndalýyn joǵaryda atalǵan jumys toby baqylaıdy. Bulardan ózge, sanıtarlyq-epıdemıologııalyq erejeler saqtalmasa saýda ortalyǵynyń ákimshiligi jaýapqa tartylady» dep atap ótti Baqytjan Saǵyntaev.

Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Túrkistan jasyl qalaǵa aınalýda

Ońtústik Qazaqstan • Keshe

Uqsas jańalyqtar