Aımaqtar • 27 Mamyr, 2020

Mańǵystaý oblysy: Polısııa departamenti komendanttyq patrýldeýdiń baqylaý rejımine kóshti

175 ret kórsetildi

О́ńirde Mańǵystaý oblysy Polısııa departamentiniń bastyǵy general-maıory J.Baqtybaevtyń nusqaýlyǵymen apparat basshylyǵynan  arasynan komendanttyq patrýldeý toby quryldy. Bul týraly atalǵan vedomstvonyń baspasóz qyzmeti habarlady.

Ataýly top qazirgi tańda qala jáne aýdan kóleminde qyzmet atqaryp júrgen jeke quramnyń qyzmetin baqylap, qyzmetkerlerge kemshilikterdi boldyrmaý baǵytynda ádistemelik keńes berip, tıimdilikterin arttyrýda. Bul sharanyń negizgi maqsaty qyzmetkerler arasynda zańbuzýshylyqty múlde boldyrmaý, normatıvtik qujattarmen sapaly is júrgizý, qaǵıdalar men erejelerdi ustanýyn, moraldyq-etıkalyq normalardy saqtaýyn da qadaǵalaıdy.

 Top quramyndaǵy Departament bastyǵynyń Kadr saıasaty jónindegi orynbasary polısııa polkovnıgi B.Aqshaýov árbir qyzmetkerge IIO-nyń qaǵıdalary men talaptarymen taǵy da tanystyryp, jeke-jeke suhbat júrgizip, olardyń suraqtary men ótinishterin eskerdi.

- Mańǵystaý oblysy PD jeke quramy arasynda barlyq basqarma, derbes bólim jáne qala, aýdandyq ishki ister organdarynyń qoǵamdyq qurylymdardyń qyzmetin, maqsatty tárbıe jumysyn jandandyrý, patrıottyq tárbıeni, kishi jáne orta basshy quramnyń quqyqtary men múddelerin qorǵaý – basty nazarda. Sondaı-aq  polıseıler ortasynda tártip pen zańdylyqty nyǵaıtý maqsatynda memlekettik qyzmetshileriniń Ádep kodeksiniń talaptaryn qatań saqtaýyn, azamattarǵa ádepsizdik kórsetý faktileri ofıserlik jáne polıseılik keńesterde tártiptik komıssııanyń otyrysymen qaralyp, IIO-nan bosatýǵa deıingi sharalary qabyldanatyndyǵy aıtyldy, dedi ol.

Aldaǵy ýaqytta arnaıy mobıldi top músheleri josparǵa sáıkes, Mańǵystaý oblysy PD boıynsha Kadr saıasaty basqarmasy, ákimshilik polısııa basqarmasy, Tyldyq qamtamasyz etý basqarmasy jáne О́zindik qaýipsizdik basqarmasynyń sanynan jeke quram arasynda tártippen zań buzýshylyqtardyń aldyn alý maqsatynda belgilengen kıim nysanyn kııý, aıyrym jáne erekshelik belgilerin taǵý erejelerin saqtaýyn, qyzmetkerlerdiń syrtqy kelbetin, qyzmettik kýálikteri men jeke belgileriniń bar-joǵyn tekserýi, qyzmettik jáne jeke avtokóligin paıdalaný tártibin tekserýdi jalǵastyrady.

Qazirgi tańda Departament bastyǵy patrýlderdiń beınejetondarynyń qyzmeti men durystyǵyn, beınejazbalaryn tikeleı ózi tekserýde. Al óńirdegi barlyq qyzmetti baqylap otyrý PD bastyǵy orynbasarlarynyń jeke jaýapkershiligine júkteldi.

Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Uqsas jańalyqtar