Aımaqtar • 27 Mamyr, 2020

Aqtaýda «Atameken qabyldaýy» kabıneti ashyldy

29 ret kórsetildi

«Atameken qabyldaýy» kabıneti Mańǵystaý oblysy sotynyń ǵımaratynda ornalasqan. Kabınet «Atameken» О́KP músheleriniń jáne Qazaqstan kásipkerleriniń quqyqtaryn qorǵaý jónindegi ýákildiń óńirlik ókilderiniń qabyldaýyn ótkizýge arnalǵan, dep habarlaıdy óńirlik kásipkerler palatasynyń baspasóz qyzmeti.

Ár aptanyń seısenbi jáne beısenbi kúnderi kásipkerler palatasynyń sarapshylary men bıznes - ombýdsmenniń óńirlik ókilderi kezekshilik etip, konsýltatıvtik kómek kórsetetin bolady. Mundaı format daýlardy retteýdiń sotqa deıingi tártibin saqtaýǵa jáne kásipkerlerdiń quqyqtaryn qorǵaýǵa yqpal etetin bolady.

Osylaısha, zańdy tulǵalar, atap aıtqanda bıznes sýbektileri men memlekettik organdar kez kelgen daýly máseleler boıynsha qabyldaý júrgizetin sarapshylardyń kómegine júgine alady jáne sottan tys daýly jaǵdaılardy sheshe alady.

-Kabınet árbir kásipker men zańdy tulǵa ókiline dál osy jerde túsindirý jumystaryn júrgizýge , sonymen qatar, bıznes salasyndaǵy daýdy retteýge múmkindik beredi, dedi sot tóraǵasy Aıdarbek Tlenov.

-Qazaqstan kásipkerleriniń quqyqtaryn qorǵaý jónindegi ýákil Rýstam Júrsinov Qazaqstan Respýblıkasynyń Joǵarǵy Sotymen birlesip, sotqa deıingi retteý boıynsha birlesken jumys aıasynda osyndaı kabınetterdi ashýǵa bastamashylyq jasady, óıtkeni bıznes sýbektileri arasyndaǵy daýlar boıynsha talap aryzdardyń ósetiniń túsinemiz. Kabınettiń negizgi qyzmeti kásipkerlik sýbektilerine jáne memlekettik organdarynyń ókilderine quqyqtyq kómek kórsetý boıynsha daýlardy retteý jáne onyń aıasynda medıasııa qyzmetin kórsetý bolyp tabylady. Bıznes-ombýdsmen óńirlik sala keńesiniń ókilderi kezekshilik pen aptasyna 2 ret jumys isteıtin bolady. Sondaı- aq, bıznes -ombýdsmenniń aımaqtyq keńsesinen alystan kezekshilik qyzmet kórsetý máselesin pysyqtaýǵa bolady, dep atap ótti Mańǵystaý oblysy kásipkerler palatasy dırektorynyń orynbasary Bolat Qalıev.

Al Mańǵystaý oblysy kásipkerler quqyǵyn qorǵaý jáne sybaılas jemqorlyqqa qarsy is qımyl keńesiniń tóraǵasy Shymbaı Sultanovtyń aıtýynsha, kásipkerlik sýbektilerdiń qatysýymen daýlardy sotqa deıin retteý, sot organdarynyń qatysýynsyz sheshý taraptardyń máselesin qarastyrý- negizgi maqsat. Zańdy tulǵalar jáne jeke kásipker arasynda sharýashylyq baǵyttaǵy daýlardy ýaqytty únemdeı otyryp, qandaı da bir sot shyǵyndaryn boldyrmaı sheshý úshin asa qajet.

Sońǵy jańalyqtar

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar