Aımaqtar • 27 Mamyr, 2020

Oqý jyly qorytyndylanyp, UBT-nyń jaı-kúıi anyqtaldy

119 ret kórsetildi

Soltústik Qazaqstan oblysynyń ákimi Qumar Aqsaqalovtyń basshylyǵymen bolǵan ákimdiktiń otyrysynda oqý jyly qorytylyp, sonyń ishinde alystan oqytýdyń aıaqtalǵandyǵy jáne endigi kezekte turǵan UBT-ny joǵary sapada ótkizý máseleleri talqylandy.

Onlaın oqytý degenniń ózi bilim berý salasyna qatysty barlyq taraptarǵa - sonyń ishinde muǵalimder, ata-analar men oqýshylardyń bárine úlken synaq boldy. Mundaıdy eńserý báriniń birdeı qoldarynan kelmeıtindigi kórindi. Az qamtylǵan otbasylarda kompıýterler de joq eken. Jergilikti bılik osyndaı 580 otbasyna kompıýter áperýge májbúr boldy.

Alaıda onlaın oqytý barysynda birqatar oń nátıjelerge qol jetkizilgendigi de anyqtaldy. Máselen, aımaqta qazir muǵalimderdiń jetispeıtindigi joǵalǵan eken.  Osydan úsh jyl buryn 737 muǵalim jetispeıdi degen dabyl kóterilgen edi. Qazir bos vakansııa da qalmaǵan. Bul sala basshylyǵynyń utymdy jumys isteı bilgendiginiń kórinisi.

Qazir bilim salasynyń materıaldyq-tehnıkalyq ahýaly da arta túsken. Tek byltyr ǵana salanyń 142 nysany jóndeýden ótken. Sonyń ishinde jylý júıesiniń jaqsarýyna erekshe nazar aýdaryldy. Soltústiktiń sýyǵynda mektep jyly bolmasa bilim berý túgili balanyń densaýlyǵyn saqtaýǵa da múmkindik bolmaıdy. Áıteýir, byltyr synyp bólmeleriniń jyly bolǵandyǵynyń arqasynda oqýshylardyń sýyqtan tumaýratyp qalý, sóıtip sabaqqa kele almaýy  aldyndaǵy jylǵa qaraǵanda 41 paıyzǵa azaıypty. Al bıyl mektepterdi jóndeýge taǵy da 5 mlrd.teńge bólingen.

Sonymen birge jastardyń oqý izdep syrtqa aǵylýy da azaıǵandyǵy aıtyldy. Máselen, 2017 jyly elimizdiń JOO-laryna 1390 túlek túsken bolsa, byltyr 1854 jas óz Otanyndaǵy oqý oryndaryna túsken. Sonyń ishinde jergilikti, Manash Qozybaev atyndaǵy SQO ýnıversıtetine túskender sany 30 paıyzǵa artqan.

Otyrystaǵy sózinde óńir basshysy endi UBT-ny utymdy ótkizý máselelerine nazar aýdardy. «UBT-ny syltaýratyp balalarǵa tekseris qoqynyshyn týdyrmaý kerek. Keıbir qatań tekserister balalardy alańdatyp, bilgenin umytyp qalatyn jaǵdaılar týdyrýy múmkin. Sondyqtan bul máselede barynsha sypaıylyq kerek, eshkimniń janyn jaralaı kórmeńizder», dedi Qumar Aqsaqalov.

 

Soltústik Qazaqstan oblysy

Sońǵy jańalyqtar

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar