Aımaqtar • 27 Mamyr, 2020

Qostanaı polıseıleri onlaın rejimde jastardy jumysqa shaqyrdy

18 ret kórsetildi

Qostanaılyq polıseıler  «Zoom» baǵdarlamasynyń tikeleı efıri arqyly stýdenttermen kezdesti. Polısııa departamenti kadr saıasaty basqarmasy bastyǵynyń orynbasary Berik Erjanov zań fakýltetiniń stýdentterine oblys polısııasynyń qyzmetý týraly jáne ishki ister organdaryna jumysqa turý nemese praktıkadan ótý sharttary men tártibi týraly áńgimeledi. Kezdesýge 50-den astam stýdent qatysty.

Polısııa ókiline qoıylǵan saýaldar mazmuny jastardyń ishinde quqyq qorǵaý organdarynda jumys isteýge yntalylar qatary az emes ekenin ańǵartty.  Kadr basshysy stýdentterge polısııa qyzmetkeri bolý úshin qandaı talap qoıylatyny, qandaı zańdardy bilý kerektigi, testileýden qalaı ótetini,  dene shynyqtyrý daıyndyǵyn tapsyrý kezinde qandaı normatıvter beriletini týraly baıandady. Berik Erjanov polıseılerge memleket tarapynan kórsetiletin áleýmettik qoldaý týraly da aıtyp berdi.

Mundaı kezdesýler polısııa departamenti men joǵary oqý oryndarynyń yntymaqtastyq týraly qol qoıylǵan memorandým aıasynda únemi ótkizilip turady. О́tken jyly dál osyndaı kezdesýler arqyly 150-den astam túlek qyzmetke qabyldanǵan. Qazir oblystyq polısııa departamentinde 250-den astam bos jumys orny bar. Jumysqa turǵysy keletin jastar Qostanaı oblysy PD kadr saıasaty basqarmasyna habarlasyp, mán-jaıdy anyqtaı alady. Telefony - 52-60-16, 52-60-93, - dedi Qostanaı oblysy PD bastyǵynyń orynbasary polısııa polkovnıgi Ardaq Yntyqbaev.

 

Qostanaı oblysy

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar