Aımaqtar • 27 Mamyr, 2020

Qyzylordada birneshe mal urlyǵyna qatysy bar turǵyn ustaldy

71 ret kórsetildi

Qyzylordalyq polıseıler birneshe mal urlyǵyna qatysy bar kúdiktini ustady. Bul týraly oblystyq Polısııa departamentiniń baspasóz qyzmeti habarlaıdy. 

Osy jylǵy 22 sáýirdiń túninde belgisiz adam Jalaǵash aýdany Aqqum aýyldyq okrýgi turǵynynyń mal qorasynan 600 000 teńge turatyn bir bas jylqyny urlap, oqıǵa bolǵan jerden boı tasalaǵan. Polıseıler júrgizgen jedel izdestirý sharalarynyń nátıjesinde 25 sáýir osy oqıǵaǵa qatysy bar degen kúdikpen 38 jastaǵy oblys turǵyny ustaldy. Onyń basqa da qylmystarǵa qatystylyǵyn tekserý kezinde byltyr jeltoqsanda Qyzylorda qalasynda bolǵan mal urlyǵynyń aýyr sanattaǵy eki deregine, bıylǵy jyldyń basyndaǵy taǵy bir urlyqqa qatystylyǵy anyqtaldy.

Barlyq derekter boıynsha QR Qylmystyq kodeksiniń 188-1-baby 3-bóliginiń 2-tarmaǵymen sotqa deıingi tergep-tekserý amaldary júrgizilip jatyr. Qazir kúdikti kinásin moıyndap, Jalaǵash aýdandyq polısııa bóliminiń ýaqytsha ustaý abaqtysyna qamaqqa alyndy.

 – Oblys kóleminde bıyl tórt aıda 153 márte mal urlyǵy tirkelip, ótken jylmen salystyrǵanda 3,8 paıyzǵa tómendedi. Oblys boıynsha jyl basynan beri mal urlyǵymen aınalysqan 59 qylmysker ustalyp, olar jasaǵan 72 qylmys dáleldenip, tıisti sheshim qabyldandy. Sonymen qatar, 13 qylmystyq top quryqtalyp, olardyń 45 ret mal urlaǵany belgili boldy, onyń 38-i aýyr túrdegi qylmys. Jergilikti atqarýshy organdarmen birlesip, mal sharýashylyǵymen aınalysatyn turǵyndarǵa maldardy tańbalaý, syrǵalaý máseleleri boıynsha úgit-nasıhat jumystary júrgizilip jatyr. Turaqty negizde túngi reıdtik is-sharalar ótkiziledi, – dep atap ótti oblystyq Polısııa departamenti basshysynyń orynbasary Serik Shalqarov.

Sońǵy jańalyqtar

Aınurdyń júgi astanaǵa jetti

Qoǵam • Búgin, 23:04

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar