Pedagogtardyń Ulttyq biliktilik testileýge ótinishter qabyldaý 21 mamyrdan bastaldy. Endi bilim berý salasynyń qyzmetkerleri birde-bir qujatty jınamaı, oıǵa alǵanyn eshkimmen kelispeı, ótinishti onlaın túrde bere alady. Sondaı-aq ustazdar ózderine yńǵaıly oryndy, kúndi jáne testileý ýaqytyn tańdaı alady.
Endi attestasııadan jınalǵan balǵa qaraı ótýge bolady (eger sheberge ball jınaı almasańyz, demek zertteýshi bolýǵa ábden múmkindik bar). Eger nátıje qanaǵattandyrylmasa, testti qaıta tapsyra alady.
«О́kinishke qaraı, karantınge baılanysty biz aýdıtorııadaǵy adamdar sanyn azaıtýǵa májbúr boldyq, sondyqtan bastapqy kezde bárine oryndar jete bermeıdi, biraq test 3 aı boıy ótkiziledi jáne aımaqtaǵy shekteýler sheshilgennen keıin aýdıtorııadaǵy oryndar sanyn kóbeıtemiz. Test tapsyrýǵa barlyǵy úlgeredi. Atalmysh emtıhan 2019 jylǵy qazan aıynda BǴM men Ustudy kompanııasy arasynda jasalǵan memlekettik-jeke seriktestik sharty negizinde ótkiziletinin jáne testileýdi budan da ádil ete otyra, 135 mln. teńgege jýyq qarajatty bıýdjetke qaıtarýǵa múmkindik beretinin atap ótkim keledi», dedi D.Smaǵulov.
