Aımaqtar • 28 Mamyr, 2020

Kaspıı teńiziniń qazaqstandyq sektoryndaǵy qylmystyq áreketke tosqaýyl qoıyldy

73 ret kórsetildi

UQK Shekara qyzmeti 31 naýryzdan bastap RF FQQ ShQ-men Kaspıı sý aılaǵynda brakonerlik árekettiń jolyn kesý jáne resýrstardy kúzetý boıynsha jedel-aldyn alý is-sharalaryn júzege asyrýda. Bul týraly UQK baspasóz qyzmeti habarlady.

Shekara keńistiginde 98 quqyq buzýshy, onyń ishinde 14 Memlekettik shekara rejımin jáne 71 aýmaqtyq jáne ishki sý (teńiz) rejımin buzýshy ustaldy.

65 júzý quraly, 42 qozǵaltqysh, 4 kólik quraly, brakonerlik aýlaý aspaptary: 236 shaqyrymnan astam aý jáne ilmegi bar arqan, 66 tuzaq, 55,1 myń ilgek jáne basqalar tárkilendi.

Brakonerlik zańsyz aınalymnan 763 dana (3,8 myń kg) bekire tuqymdas, 4947 dana (2,5 myń kg) usaq tuqymdy balyq, sondaı-aq 43 ıtbalyq alyndy.

Brakonerler keltirgen zııan 85,6 mln teńgege baǵalanyp otyr. Shekara qyzmetiniń is-qımyly nátıjesinde tabıǵı tirshilik ortasyna  3824 tiri balyq (onyń ishinde 695 bekire tektes) jáne 43 ıtbalyq jiberildi.  1,88 mln teńge mólsherinde aıyppul salyndy.

1 mlrd teńgeden artyq mólsherdegi ekologııalyq zalalǵa jol berilmedi. Is-sharalar jalǵasýda.

Sońǵy jańalyqtar

Ulttyń batyr ulany

Qazaqstan • Keshe

Ulttyq bolmysty kestelegen...

Rýhanııat • Keshe

Bas qala tarıhy qamtylǵan kórme

Rýhanııat • Keshe

Shekarada shekteý bar

Qazaqstan • Keshe

Uqsas jańalyqtar