Aımaqtar • 28 Mamyr, 2020

Túrkistan: UBT-ǵa túlekterdiń 75,5 paıyzy qatysady

52 ret kórsetildi

Bıyl Túrkistan oblysy boıynsha  11 synypty   24658 oqýshy bitirdi.   Koronavırýs pandemııasyna baılanysty UBT-ǵa ótinish berý rásimi onlaın jáne dástúrli túrde júrgizilgen. Oblys boıynsha testileýge jalpy túlekterdiń 75,5 paıyzy, ıaǵnı 18634-i ótinish beripti. О́tken jylǵydan ótinish berýshiler sany 7 paıyzǵa kóbeıgen.

Nur Otan partııasynyń oblystyq fılıaly óńir turǵyndaryna arnap uıymdastyrǵan tikeleı efırde  Adamı áleýetti damytý basqarmasynyń basshysy  Raqymbek Jolaev UBT 20 maýsym men 5 shilde aralyǵynda ótetinin málim etti.  О́tkizý erejesi burynǵydaı. Degenmen ár aýdıtorııadaǵy testileýge qatysýshylar sany 2 esege azaıyp, eki metr kóleminde ara-qashyqtyq saqtalady. Barlyq sanıtarlyq talap qatań saqtalady. «Sonymen birge 3-4 maýsym kúnderi sanıtarlyq talaptardy saqtaı otyryp, túlekter úshin mekteppen qoshtasý saltanatty is-sharalaryn ótkizýdi josparlap otyrmyz. Mekteptiń aýlasynda qysqa ǵana ýaqytqa sozylatyn jıynǵa synyp jetekshisi men birneshe ustaz jáne shekteýli deńgeıde ata-analar ǵana qatystyrylady. Qatysýshylar túgel maska kıip, ara-qashyqtyqty saqtaýy tıis. Túlekterdiń ómirindegi erekshe sátke arnalǵan is-shara ótýi tıis oılaımyn»,  dedi basqarma basshysy. 

Oblysta ulttyq biryńǵaı testileýdi ótkizýge arnalǵan 15 pýnkt ázirlengen. Shalǵaı aýyldarda turatyn 11200 oqýshyny UBT ótkizý oryndaryna tasymaldaý úshin tıisti qarjy qaralǵan. Kópbalaly jáne az qamtylǵan otbasylardyń balalary úshin memleket tarapynan qosymsha granttar da qaralady. Ol úshin árbir túlek eń tómengi 50 balldan joǵary jınaýy tıis. Basqarma basshysy, sondaı-aq oblys aýmaǵyn keń jolaqty ınternetpen tolyq qamtamasyz etý baǵytynda jumystar bastalǵanyn, eger pandemııa jalǵasqan jaǵdaıda árbir ata-ana balalaryn qajetti qurylǵylar – smartfon, planshet, noýtbýkpen qamtamasyz etýge kúsh salýlary kerektigin aıtty. «Biz 1 qyrkúıekte dástúrli oqý júıesine kóship, oqý jylyn mektepterde qarsy alýǵa úmittenip otyrmyz. Karantın toqtasa, oqýshylarymyzdy jazǵy saýyqtyrý lagerlerine jiberýge de daıynbyz. Demalys oryndary saqadaı-saı. Biraq qaýipti indettiń taralýy toqtamasa, qashyqtan oqytýǵa májbúr bolamyz», dedi R.Jolaev.   

Jalpy Nur Otan partııasynyń oblystyq fılıaly tóraǵasynyń birinshi orynbasary Beısenbaı Tájibaev júrgizip otyrǵan efır 2 myńnan astam qaralym jınap, 100-den astam suraq qoıyldy. Basqarma basshysy olardyń birqataryna sol mezette jaýap berse, qalǵan suraqtar boıynsha da tıisti jumystar atqarylatynyn jetkizdi. 

Sońǵy jańalyqtar

Atyraýda 6 156 adam koronavırýs juqtyrdy

Koronavırýs • Búgin, 18:15

Atyraýda úsh garaj otqa orandy

Aımaqtar • Búgin, 16:51

Atyraýǵa 278 medısına mamany qajet

Medısına • Búgin, 16:43

25 adam ishimdikten ýlanyp qaıtys boldy

Aımaqtar • Búgin, 15:42

Qazaq jáne shet tilin meńgerýge shaqyrady

Rýhanııat • Búgin, 15:27

О́kpeni KT-dan aqysyz ótkizý nege qıyn?

Medısına • Búgin, 12:35

Ilıa Ilın aýrýhanaǵa tústi

Aımaqtar • Búgin, 11:55

Dollardyń búgingi baǵamy belgili boldy

Ekonomıka • Búgin, 11:35

Uqsas jańalyqtar