Aımaqtar • 28 Mamyr, 2020

Shymkent 100 paıyz jyldamdyǵy joǵary ınternetpen qamtamasyz etiledi

31 ret kórsetildi

Mundaı tapsyrmany qala ákimi Murat Áıtenov ınternetpen qamtý máseleleri boıynsha onlaın rejımde ótken apparattyq jıynda berdi.

Qaladaǵy shaǵyn aýdandardy joǵary sapaly ınternetpen qamtamasyz etý jaıyn baıandaǵan sıfrlandyrý basqarmasy basshysynyń mindetin atqarýshy R.Aqjigitov qala aýmaǵyndaǵy 105 shaǵynaýdan men turǵyn alaptary ınternet jelisimen qamtamasyz etilgenin, onyń ishinde mobıldi ınternetke - 74, symdy ınternetke - 79, talshyqty-optıkalyq baılanys arnasyna 49 shaǵynaýdan qol jetkizgenin atap ótti.

Onyń aıtýynsha, búginde ınternet jelisine qatynaý múmkindigi bar úı sharýashylyqtarynyń úlesi 90,7 paıyzdy quraǵan. Onyń ishinde 98,5%-y mobıldi keń jolaqty baılanysqa, al 21,8% symdy keń jolaqty baılanysqa qosylǵan. Al, ınternet jelisin paıdalanýshylar úlesi 80%-dy, tirkelgen ınternet abonentteriniń sany 75,5% quraıdy eken. Budan bólek, ol 20 shaǵynaýdanda ınternet jelisi, al 16 turǵyn alapta mobıldi ınternet sapasy nashar ekenin aıtty.

Jıyn barysynda baılanys operatorlary turǵyndardyń densaýlyqqa zııan keltiredi degen shaǵymdarynyń áserinen birneshe shaǵynaýdandarda bazalyq stansııalar alynyp tastalǵanyn aıtyp, bazalyq stansııalardy ornatýǵa arnaıy jerdiń qarastyrylmaǵanyn jetkizdi.

Osy rette, qala ákimi jyldamdyǵy tómen aımaqtardy 100 paıyz jyldamdyǵy joǵary ınternet jelisimen qamtamasyz etýdi tapsyrdy.

- Qalanyń árbir turǵyny sapaly ınternetke qol jetkizýi kerek. Qazir memlekettik qyzmetterdiń basym bóligi ınternet arqyly júzege asyrylady. Sondyqtan sapasy tómen eldimekenderge kóńil bólip, 5G jyldam ınternet jelisin qolǵa alýymyz kerek, - dedi M.Áıtenov.

Qaladaǵy keıbir shaǵyn aýdandarda 5G turmaq, 4G jelisiniń sapasy tómen ekenin aıtqan shahar basshysy Shymkent qalasyn jyldamdyǵy joǵary ınternetpen qamtamasyz etý úshin strategııalyq jospar quryp, 5G tehnologııasyna ótýdi júktedi. Sonymen qatar ákim salalyq basqarmaǵa uıaly baılanystyń bazalyq stansııalary men qajetti jabdyqtardy ornatýǵa tıisti jer ýchaskesin bólý boıynsha naqty tapsyrmalar júktedi

Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Uqsas jańalyqtar