Serbııanyń parlamenti 1995 jyly Serbııa basshylyǵynyń qoldaýymen bosnııalyq serbterdiń bosnııalyq musylmandardy zulymdyqpen qyryp-joıǵany úshin álem aldynda keshirim surady.
Sonda bosnııalyq serbterdiń kósemderi Radovan Karadjıch pen general Ratko Mladıchtiń basshylyǵymen Srebrenısa qalasynda segiz myń qarýsyz musylmandardy qyryp salǵan edi. Bul ekinshi dúnıejúzilik soǵystan keıingi eń úlken genosıdtik aıýandyq áreket boldy. Jaýyz Karadjıch qazir Halyqaralyq áskerı trıbýnal túrmesinde otyrsa, qanisher general Mladıch áli qashyp júr.
AQSh ázir otyr
KHDR-da jaǵdaı kúrdeli. Bul jaıynda AQSh-tyń Tynyq muhıt aımaǵyndaǵy teńiz jaıaý áskeri korpýsynyń qolbasshysy general Keıt Stalder oı bólise kelip, Soltústik Koreıada jaǵdaı budan beter ýshyǵa tússe, bul eldegi atom qarýyn baqylaýǵa alý úshin oǵan teńiz jaıaý áskerin jiberýleri múmkin dedi. Onyń oıynsha, soltústik pen ońtústiktiń áskerı qaqtyǵysynan buryn KHDR-ǵa qaýip – Kım Chen Irdiń kúıreýi. Sondaı jaǵdaıda eldegi atom qarýy baqylaýsyz qalmaýǵa tıis.
HAMAS-ty atqylady
Juma kúni Izraıldiń áskeri Gaza sektoryn zymyrannan atqylap, radıkaldyq HAMAS uıymynyń birshama nysandaryn isten shyǵardy. Beısenbi kúni ızraıl jaǵy Gaza ústinen paraqshalar tastap, jergilikti halyqqa áskerı nysandardy atqylaıtynyn eskertken kórinedi. Shynynda da, áskerı qarý-jaraq shyǵarýmen aınalysatyn tórt fabrıkaǵa úlken zardap keltirilipti. Áskerılerdiń “Gazadaǵy lańkestik áreketterden Izraıl azamattaryna qaýip tónýine kelispeıtindigi” jónindegi málimdemesine qaraǵanda, bul aımaqta jýyq arada tynyshtyq bola qoımastaı.
Borodınniń sandyraǵy
Jaqynda buryn da óziniń dańǵoılyǵymen kózge túsip júrgen Reseı-Belorýssııa odaqtas memleketi deıtinniń memlekettik hatshysy sanalatyn Pavel Borodın Belorýssııa elshisi V.Dolgolevtiń odaqtas memleket qurýdan buryn Keden odaǵyna kóbirek kóńil bólý kerek degen pikirine túsinikteme jasap, “Odaqtas memleketke jaqynda Qazaqstan da, Ýkraına da jáne basqa da bizdiń respýblıkalar kiredi”, dep jaýapsyz málimdeme jasady.
Úkimet demalysta
Norvegııada Pasha merekesi aldynda eldiń búkil Mınıstrler kabıneti demalysqa ketti. Muny olar ózderinshe eńbek zańdylyǵyn qatań saqtaıtyndyǵymen túsindiretin kórinedi. Úkimet jeke adam emes, búkil eldiń jumysyn toqtatyp qoıǵanda, olardyń utatyny da kóp bola qoımas. “Boıaýshy boıaýshy degenge saqalyn boıaıdy” degen maqal, sirá, osyndaıda aıtylsa kerek.
Qytaıdaǵy qurǵaqshylyq
Búkil álemdi topansý álekke túsirip jatqanda, Qytaıdyń biraz aımaǵyn aptaǵan ystyq kúıdirip, qurǵaqshylyqtan halyq qatty zardap shegip jatqan kórinedi. Kóktemniń alǵashqy aıynyń aıaǵynda-aq 7,73 mıllıon gektar egistik jer kúıip ketipti. Kún ysı kele onyń kólemi kóbeıe túsýi ábden múmkin. 25 mıllıon adam, sondaı-aq 18 mıllıon kúsh kóligi ishetin sýǵa da zárý bolyp qalypty.
О́zgenikine tıispe
Japonııa parlamentiniń joǵarǵy palatasynyń depýtaty Masatesı Vakabaıası daýys bergen kezde qasyndaǵy joq depýtat úshin túımeni basyp, daýys berip jibergeni anyqtalǵan soń, parlamentten ketýge májbúr boldy. Onyń áreketi fotoǵa túsirilgen eken, ol jurtqa kórsetilipti.
Sıqyrǵa jaza bar
Lıvannyń belgili telejúrgizýshisi Álı Sabat óz teleshoýlarynda ózinshe bolashaqqa boljam aıtyp, kórermenderge keńes berip jatatyn. 2008 jyly ol Saýd Arabııasyna qajylyqqa barǵan kezinde jergilikti polısııa ony jurtty sıqyrladyń degen aıyppen qamaýǵa alǵan edi. Endi onyń basyna ólim jazasyna kesilý qaýpi tónip tur. Bul elde sıqyrlyqqa tyıym salynǵan. Áńgime bul eldegi sıqyrlyqqa degen nanymǵa tireledi. Áıtpese, órkenıetti elderde bul kúlki týdyratyn nárse ǵoı.
Ázirlegen Mamadııar JAQYP.
