Qoǵam • 28 Mamyr, 2020

Sport komıteti tóraǵasynyń orynbasarlary 400 mıllıon teńge jymqyrdy degen kúdikpen ustaldy

147 ret kórsetildi

Mádenıet jáne sport mınıstrliginiń Sport jáne dene shynyqtyrý isteri komıteti tóraǵasynyń burynǵy jáne qazirgi orynbasarlary shamamen 400 mıllıon teńgeni jymqyrdy degen kúdikpen ustaldy. Bul týraly Sybaılas jemqorlyqqa qarsy is-qımyl agenttiginiń baspasóz qyzmeti habarlady.

Agenttik taratqan aqparatqa sáıkes, Shyǵys Qazaqstan oblysynyń Sybaılas jemqorlyqqa qarsy qyzmeti sotqa deıingi tergeý barysynda asa iri kólemde bıýdjet qarajatyn jymqyrý faktileri boıynsha QR Qylmystyq-prosessýaldyq is júrgizý kodeksiniń 128-babyna sáıkes Mádenıet jáne sport mınıstrliginiń Sport jáne dene shynyqtyrý komıteti tóraǵasynyń burynǵy jáne qazirgi orynbasaryn ustap, О́skemen qalasyndaǵy ýaqytsha ustaý ızolıatoryna qamaǵan.

Ustalǵandardyń bireýine qatysty sot 2 aı merzimge «qamaýǵa alý» túrindegi bultartpaý sharasyn sanksııalady.

Olar Rıdder qalasyndaǵy «Respýblıkalyq mamandandyrylǵan olımpıadalyq rezervtik mektep-ınternaty» RMM-niń 300 orynǵa arnalaǵan oqý korpýsy» qurylys obektisin salý kezinde is júzinde oryndalmaǵan jumys úshin merdigerdiń shotyna 380,8 mln teńge somasynda bıýdjet qarajatyn aýdarý arqyly jymqyrdy degen kúdikke ilindi.

Qazirgi ýaqytta atalǵan faktiler boıynsha sotqa deıingi tergeý júrgizilip jatyr, tergeý múddeleri úshin basqa aqparat jarııa etilmeıdi.

Kúdiktilerge qatysty túpkilikti sheshimdi olardyń kinásiniń dárejesin anyqtaı otyryp, sot sheshedi.

Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Túrkistan jasyl qalaǵa aınalýda

Ońtústik Qazaqstan • Keshe

Uqsas jańalyqtar