Qoǵam • 28 Mamyr, 2020

Qazaqstanda myńǵa jýyq Egov buryshy ashylady

15 ret kórsetildi

Qazaqstanda memlekettik qyzmetterdi elektrondy túrde alý retin barynsha yńǵaıly etý úshin HQO ǵımaratynan tys jerde óz betinshe qyzmet alýǵa bolatyn alty júzge jýyq egov buryshtary jumys isteıdi. Taıaý arada taǵy 400 burysh ashý josparlanǵan. Onda kompıýteri nemese ınternetke qosylý múmkindigi joq qazaqstandyqtar elektrondyq úkimet portalynda qoljetimdi qyzmetterdi ózdiginen ala alady. Buryshtar oblys ákimdikteri, oqý oryndary, medısınalyq uıymdar, saýda jáne oıyn-saýyq ortalyqtarynyń ǵımarattarynda ornalasqan.

Memlekettik korporasııanyń basqarma tóraıymy Ásemgúl Baltashevanyń aıtýynsha, koronavırýs ınfeksııasynyń qaýpi seıilmegendikten, onyń HQO-da taralmaýyna erekshe nazar aýdarǵan jón. «Sondyqtan biz halyqqa qyzmet kórsetý ortalyqtarynyń ǵımarattarynda azamattardyń jınalýyn boldyrmaý jáne vırýstyń taralý qaýpin azaıtýǵa múmkindik beretin birqatar naqty shara qabyldadyq. Endi qazaqstandyqtar halyqqa qyzmet kórsetý ortalyqtarynda onlaın túrde qoljetimsiz «qaǵaz» júzinde kórsetiletin qyzmetter men onlaın rásimdelgen ótinishterdiń daıyn nátıjesin ala alady. Bul rette, HQO-ǵa baratyn ýaqyt aralyǵyn aldyn ala brondaý qajet. Qazaqstandyqtar elektrondy qyzmetterdi óz betinshe úıde, keńsede nemese ózine-ózi qyzmet kórsetý sektorlarynda ala alady», – dedi Baltasheva.

Sonymen qatar ol aýdan ortalyqtary men aýdandyq mańyzy bar qalalardaǵy HQO ǵımarattaryndaǵy ózine-ózi qyzmet kórsetý sektorlarynyń burynǵydaı jumys isteıtinin aıtyp ótti. Aýyldyq okrýgterde elektrondyq qyzmetterdi jergilikti ákimdikter ǵımaratynda ornalasqan egov buryshtarynda óz betinshe alýǵa bolady.

Al, Almaty qalasynyń turńyndary qaladaǵy 20-dan asa buryshtardan memlekettik qyzmetterdi ala alady.

Aıta ketý kerek, qazirgi ýaqytta egov.kz portalyndaǵy vırtýaldy kómekshiniń kómegimen elektrondyq sıfrlyq qoltańbany alýǵa jáne azamattardyń mobıldi bazasynda tirkelýge bolady. Eger portal qyzmeti boıynsha suraqtar týyndaıtyn bolsa, qyzmet alýshy 1414 baılanys ortalyǵyna qońyraý shalyp, Azamattarǵa arnalǵanúkimet memlekettik korporasııasy qyzmetkerleriniń keńesin ala alady.

Aıta keteıik, azamattardyń kelesi úsh sanaty zeınetkerler, kóp balaly otbasylar jáne múgedekterelektrondyq qyzmetterdi halyqqa qyzmet kórsetý ortalyqtarynyń ǵımarattarynda burynǵydaı ala alady. Olar da kezek ýaqytyn aldan ala brondaýy tıis.

Sońǵy jańalyqtar

COVID-19: Arıo bala qalaı qorǵandy?

Rýhanııat • Búgin, 22:59

Eńbekteri elengen jandar

Oqıǵa • Búgin, 21:47

Nur-Sultanda 23 alypsatar ustaldy

Aımaqtar • Búgin, 20:10

Mańǵystaýǵa dári-dármek jetkiziledi

Aımaqtar • Búgin, 19:08

"Teledáriger" jobasy ashyldy

Qazaqstan • Búgin, 18:35

Jurttyń jigerin janyǵan úndeý

Parlament • Búgin, 16:57

Túrkistan jasyl qalaǵa aınalýda

Ońtústik Qazaqstan • Búgin, 16:53

Qazaqstan CORSIA múshesi boldy

Qazaqstan • Búgin, 16:43

Mobıldik toptar jumysy júıeli

Aımaqtar • Búgin, 15:27

Qaıyrymdylyǵyńnyń saýabyn bersin...

Aımaqtar • Búgin, 14:23

UBT-da 126 ball jınaǵan túlek

Aımaqtar • Búgin, 13:59

Júıeli jumystar qolǵa alynýy kerek

Parlament • Búgin, 13:45

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Uqsas jańalyqtar