Qoǵam • 28 Mamyr, 2020

Elordanyń erekshe balalarǵa arnalǵan ortalyqtary qalaı jumys istep jatyr?

8 ret kórsetildi

Erekshe balalarǵa arnalǵan ortalyqta sanıtarlyq-gıgıenalyq talaptar qatań saqtalǵan. Bul týraly elorda ákimdiginiń resmı saıty habarlady.

Aýtızmi bar balalardy áleýmettendirý men beıimdeýge arnalǵan «Orda» ortalyǵy 2017 jyldan beri jumys isteıdi. Munda BSP, aýtızm, daýn sındromy bar balalar emdeledi. Ortalyqqa karantın kezinde jańa jumys rejımine kóshýge týra keldi.

«Qazirgi ýaqytta ortalyqta tek kezekshi top jumys isteıdi. Munda negizinen ózimizdiń áleýmettik qyzmetkerlerimizdiń balalary bar, óıtkeni qyzmetkerlerdiń 90%-y erekshe balalardyń analary. Biz olardyń úıde jumys isteýi úshin, qamqorlyǵyndaǵy jandarǵa barýyna múmkindik berý úshin ózimizge osyndaı júkteme aldyq. Áleýmettik qyzmetkerlerdiń uldary men qyzdary da kezekshi toptarda jumys isteıdi», – deıdi «Orda» ortalyǵynyń jetekshisi Saltanat Esmaǵanbetova.

Ortalyqta barlyq tazalyq normalary qatań saqtalady. Ár 40 mınýt saıyn óńdeý-tazalaý jumystary júredi. Kireberiste sanıtarlyq tósenish qoıylǵan, balalar betpermen keledi.

«Ortalyqta biz olarǵa jańa betperde beremiz, óńdeý jasalady. Qoldy dezınfeksııalap, temperatýrany da ólsheımiz», – dep atap ótti S.Esmaǵanbetova.

Jalpy ózge de jumystarǵa ózgeris engen joq. «Negizgi maqsat – kútim jáne qamqorlyq jasaý. Sondaı-aq bizge psıholog, sporttyq nusqaýshy, logoped-defektolog sekildi mamandar keledi. Tárbıeshiler beıneleý óneri sabaqtaryn ótkizip, balalardy serýenge shyǵarady», – deıdi «Balam-aı» qoǵamdyq qory ortalyǵynyń orta jáne kishi toby meńgerýshisi Zaıra Aıtbaeva.

«Ortalyqqa kelip júrgenimizge úsh jyl boldy. Ulym ózin óte jaıly sezinedi. Ol ózine unamaıtyn jerlerde júrgisi kelmeıdi. Al, munda oǵan jaıly, qýanyshpen keledi. Balabaqshaǵa baraıyq dep tańmen erte turady», – deıdi erekshe balanyń ákesi Álibek Ibragımov.

Qazirgi ýaqytta el astanasynda 2 996 úkimettik emes uıym jumys isteıdi. Bul respýblıka boıynsha 13,4%-dy quraıdy. Sonymen qatar úkimettik emes uıymdardy qoldaý úshin azamattyq bastamalar ortalyǵy ashylǵan. Qalada jastar men balalardyń bastamasyn qoldaýǵa arnalǵan – 34, jetim balalarǵa kómek kórsetý úshin – 9, áleýmettik jaǵdaıy nashar topqa – 62 úkimettik emes uıym qyzmet etedi.


Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Uqsas jańalyqtar