Bilim • 28 Mamyr, 2020

Elordalyq oqýshylar halyqaralyq olımpıadalar men baıqaýlardan 72 medal jeńip aldy

12 ret kórsetildi

Tek 2019-2020 oqý jylynyń ózinde 88 300-den astam elordalyq oqýshy «Astana daryny» ortalyǵy uıymdastyrǵan 123 olımpıada men baıqaýǵa qatysqan. Bul týraly Nur-Sultan qalasy ákimdiginiń resmı saıty habarlady.

«Olımpıada rezervin qalyptastyrý jáne tárbıeleý bastaýysh synyptan bastalady. Osy maqsatta oqýshylarǵa arnalǵan «Bastaý», «Jas matematık» matematıkalyq týrnıri, «Matematıka jáne logıka» olımpıadasy, qalalyq jasóspirimder olımpıadasy ótkiziledi», – deıdi elorda ákimdiginiń «Astana Daryny» daryndylyq pen psıhologııalyq qoldaýdy damytý ortalyǵynyń basshysy Maıra Qurmanbaeva.

13 jyl boıy respýblıkalyq olımpıada qorytyndysy boıynsha elordalyq bilim berý qurama komandasy jalpykomandalyq esepte birinshi oryndy ıelenip, «Úzdik komanda» ataǵyna ıe boldy.

«Sonymen qatar bıyl alǵash ret Nazarbaev Ýnıversıtetimen birge Nur-Sultan qalasynyń 10-12 synyp oqýshylary úshin matematıkadan (NUMO) olımpıada ótkizdik. Oǵan matematıkadan respýblıkalyq olımpıadada irikteý (qalalyq) kezeńine ótken 50 fınalıst qatysty», – dedi M.Qurmanbaeva.

Olımpıada qorytyndysy boıynsha (NUMO) 10 oqýshy jeńimpaz jáne júldeger atanyp, 1 altyn, 7 kúmis jáne 2 qola medalǵa ıe boldy. Jumystyń basym baǵyttarynyń biri – ǵylymı-zertteý qyzmetin uıymdastyrý. Osy maqsatta 1-7 synyptarǵa arnalǵan «Zerde» zertteý jumystary men ǵylymı jobalardyń qalalyq konkýrsy ótkiziledi.

Elordalyq oqýshylar jalpy bilim beretin pánder boıynsha halyqaralyq olımpıadalar men ǵylymı jarystarda myqty básekelester qatarynda. «2019-2020 oqý jylynda elordalyq 157 bala Brazılııa, Kıpr, Rýmynııa, Vengrııa, Ázerbaıjan, Reseı, Qytaı, Ońtústik Koreıa, Katar, Nıderlandyda ótken halyqaralyq reıtıngtik olımpıadalar men ǵylymı baıqaýlarǵa qatysyp, jalpy sany 72 medalǵa: 15 altyn, 23 kúmis, 34 qola júldege ıe boldy.


Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Uqsas jańalyqtar