Aımaqtar • 28 Mamyr, 2020

Túrkistan: Aýyl sharýashylyǵy tehnıkasyn qurastyrý jobasy júzege asyrylady

15 ret kórsetildi

Túrkistan oblysynyń ákimdigi men «Ýzagrotehsanoatholdıng» AQ jáne «Orbis Kazakhstan» kompanııalary arasynda aýyl sharýashylyǵy tehnıkasyn qurastyrý jobasyn júzege asyrý aıasynda ınvestısııalyq kelisim men jol kartasyna qol qoıyldy. Kórshi memleket ókilderin oblys ákimi О́mirzaq Shókeev qabyldady.

О́zbekstannyń «Ýzagrotehsanoatholdıng» memlekettik kompanııasy qazaqstandyq «Orbis Kazakhstan» kompanııasymen birlesken jobany «Turkistan» ındýstrıaldy aımaǵyndaǵy «Brownfield» óndiristik alańynda júzege asyrýǵa nıetti. Jobany 3 kezeńde iske asyrý josparlanyp otyr. Investısııalardyń jalpy kólemi shamamen 12 mln AQSh dollaryn quraıdy. Joba tolyqqandy iske asyrylǵanda 100-ge jýyq jumys orny ashylady.

Investorlar keń qoldanysqa ıe bolatyn aýyl sharýashylyǵy tehnıkalaryn óndirýdi josparlaýda. Máselen, ámbebap-jer aıdaý traktory, maqta sharýashalyǵyna arnalǵan traktor, olardyń tirkemeleri men rotorly oraqtar, sý búrký jeldetkishteri, soqa jáne basqa da tehnıkalaryn qurastyrý kózdelgen. Sonymen qatar «Ýzagrotehsanoatholdıng» AQ qazaqstandyq mamandardy oqytý men biliktiligin arttyrýdy, tehnıkalyq personal úshin tájirıbelik trenıngter júrgizýdi óz moınyna alyp otyr. Al, otandyq «Orbis Kazakhstan» kompanııasy elimizdiń aýmaǵynda aýyl sharýashylyǵy tehnıkasyn satý úshin dılerlik jáne servıstik jelini damytatyn bolady. «Turkistan Invest» tarapynan ınvestormen jobany odan ári iske asyrý úshin qajetti aqparat almasý boıynsha qarqyndy jumys júrgizilýde.

Kezdesý barysynda Túrkistan oblysynyń ákimi О́mirzaq Shókeev mundaı jobalardyń eki el úshin de mańyzdylyǵyn jáne ózara tıimdi yntymaqtastyqtyń úlgisi bolyp tabylatynyn atap ótti. «Qazaq-ózbek yntymaqtastyǵy Túrkistan oblysyn damytýda erekshe mańyzǵa ıe. О́zbekstan bizdiń óńirimiz úshin ekinshi mańyzdy saýda-ekonomıkalyq áriptes bolyp tabylady. Aýyl sharýashylyǵy tehnıkasynyń tozýyn eskersek, bul jobanyń ózektiligi daýsyz. Elimiz boıynsha 185 myń birlik tehnıkanyń 76%-y, oblysta 19 myń birlik tehnıkanyń 83%-y tozǵan. Memleket óz tarapynan ınvestısııalyq sýbsıdııalar, fermerlerge jeńildikpen nesıeler, aýyl sharýashylyǵy tehnıkasyn satyp alý úshin sýbsıdııalar, sondaı-aq ınfraqurylym júrgizý túrinde kóptegen memlekettik qoldaý sharalaryn usynyp keledi. Bizdiń tarapymyzdan sizderge qoldaý jáne tolyq aqparat beriledi», - dedi О́mirzaq Estaıuly.

Kezdesýde «Ýzagrotehsanoatholdıng» AQ-nyń basqarma tóraǵasy N. Otajonov Túrkistan oblysynyń ınvestısııalyq ahýalyna joǵary baǵa berdi. Jobaǵa qyzyǵýshylyq tanytqan ózbekstandyq kompanııanyń basshylyǵy 49/51% sharty negizinde, aksııalardyń negizgi paketi «Orbis Kazakhstan» qazaqstandyq seriktes kompanııasynda bolýyn jón kórdi.

Aıta ketelik, «Orbis Kazakhstan»– ekonomıkanyń túrli salalarynda jumys isteıtin, ondaǵan kásiporyndar men uıymdardy biriktirgen kópbeıindi otandyq kompanııalar toby. Munaı servısi, munaı hımııasy, agrobıznes, qurylys, kólik, tasymaldaý jáne qoǵamdyq tamaqtaný boıynsha qyzmetterdiń keń túrin júzege asyryp keledi.

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Uqsas jańalyqtar