Sport • 28 Mamyr, 2020

Fýtbol jáne hokkeı federasııalarynyń jınalysy ótti

9 ret kórsetildi

Qazaqstan fýtbol federasııasy men Qazaqstan hokkeı federasııasynyń ókilderi kelissóz ótkizdi, dep habarlaıdy Olympic.kz.

Qazaqstan hokkeı federasııasynan kezdesýge sport dırektory Alekseı Mamontov pen atqarýshy dırektor Andreı Sachýk qatysty. Qazaqstan fýtbol federasııasynan Tehnıkalyq ortalyq dırektory Ivan Azovskıı men buqaralyq, balalar-jasóspirimder jáne áıelder fýtboly departamentiniń dırektory Erlan Jamantaev, sonymen qatar sala mamandary Áset Bazekov, Nıkıta Ýtrobın, Qýanysh Baqytbekov jáne Qýandyq Ermekbaev qatysty.

«Qazaqstan hokkeı federasııasynyń ókilderi balalar men jasóspirimder fýtbolynyń ınfraqurylymymen tanysty. Olar fýtbol klýbtary men akademııalardy sertıfıkasııadan ótkizý, bapkerlerge bilim berý jáne oıynshylardyń tranfser tártibi qyzyqtyrdy. Qazaqstan fýtbol federasııasynyń lısenzııalaý jáne attestasııalaý departamenti men Qazaqstan kásipqoı fýtbol lıgasynyń mamandary da seriktestik tanytty. Ujymdardyń yntymaqtastyǵy álem sportynyń basym baǵyttarynyń biri bolyp qala bermek. Áriptesterge qoldaý kórsetýge tyrysamyz», - deıdi Qazaqstan fýtbol federasııasynyń Tehnıkalyq ortalyǵynyń dırektory Ivan Azovskıı.

Sondaı-aq Qazaqstan hokkeı federasııasynyń sport dırektory Alekseı Mamontov yntymaqtastyq qarym-qatynasty nyǵaıtý jolynda jumys jalǵasa beretinin aıtty.

«Biz úshin qazaqstandyq fýtboldaǵy oıynshylardyń almasýy kezeńindegi ótemaqy mehanızmderi qyzyqty boldy. Sonymen qatar, bapkerlerdi sertıfıkasııadan ótkizý, sport ǵımarattary men ártúrli klýbtyń qurylymdaryn lısenzııalaý tájirıbesimen almasamyz. Olardyń arasynda balalar mektebi de bar. Paıdaly taqyryptardy qozǵaı bilgen áriptesterge alǵys aıtamyn. Yntymaqtastyq qarym-qatynasty nyǵaıtý jolynda jumysty jalǵastyra beremiz», - deıdi Qazaqstan hokkeı federasııasynyń sport dırektory Alekseı Mamontov.

Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Túrkistan jasyl qalaǵa aınalýda

Ońtústik Qazaqstan • Keshe

Uqsas jańalyqtar