Osy oraıda oblystyq Adamı áleýetti damytý basqarmasynyń basshysy Rahymbek Jolaev ózderiniń úzdik is-tájirıbeleri men biliktilikterin ushtastyra tótenshe jaǵdaıǵa baılanysty qabyldanǵan bilim berý ádisin meńgerip, tıisti deńgeıde atqarǵan mektep muǵalimderine shynaıy bildirdi. Marapatqa ıe bolǵan oqytýshylardyń arasynda N.Ońdasynov atyndaǵy mamandandyrylǵan mektep-ınternaty matematıka pániniń muǵalimi Samat Mambetov, S.Seıfýllın atyndaǵy №4 mektep-lıseıi matematıka pániniń muǵalimi Nurbol Nurlybaev, №19 jalpy orta mektebiniń bıologııa páni muǵalimi Ǵalııa Omarova, №9 mektep-gımnazııasynyń orys tili men ádebıeti pániniń muǵalimi Olga Allashova syndy birqatar muǵalim bar.
Sonymen qatar basqarma basshysy óńirdegi mektep oqýshylarynyń qashyqtan bilim alýyna aqparattyq qoldaý kórsetken «Ońtústik» teleranasynyń júıelik admınıstratory Dıdar Áýbákirulyna, kompıýter grafıkasynyń dızaıneri Muqan Moldadosovqa, efır-operatory Batyrhan Ersultanulyna alǵys bildirdi.
