Parlament • 28 Mamyr, 2020

Senatorlar parlamenttik oppozısııa máseleleri boıynsha túzetýlerdi qabyldady

10 ret kórsetildi

Palata Tóraǵasy Máýlen Áshimbaevtyń tóraǵalyq etýimen Qazaqstan Respýblıkasy Parlamenti Senatynyń otyrysy ótti. Otyrys barysynda depýtattar «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasynyń Konstıtýsııalyq zańyna tolyqtyrýlar engizý týraly» Qazaqstan Respýblıkasynyń Konstıtýsııalyq zańy men «Qazaqstan Respýblıkasy Parlamentiniń komıtetteri men komıssııalary týraly» Qazaqstan Respýblıkasynyń Zańyna parlamenttik oppozısııa máseleleri boıynsha ózgeris pen tolyqtyrýlar engizý týraly» Qazaqstan Respýblıkasynyń zańyn qarap, qabyldady. Bul týraly Senattyń baspasóz qyzmeti habarlady.

Atalǵan zań jobalary Prezıdent Q.K.Toqaevtyń parlamenttik oppozısııa ınstıtýtyn qalyptastyrý týraly tapsyrmasyn oryndaý maqsatymen ázirlengen bolatyn.

Senat Tóraǵasy Ulttyq qoǵamdyq senim keńesiniń ekinshi otyrysynda Memleket basshysy saıası reformalardyń alǵashqy toptamasyn jarııa etkenin atap ótti.

«Búgin biz prezıdenttik reformalar aıasynda ázirlengen mańyzdy eki zań jobasyn qabyldadyq. Soǵan sáıkes elimizdegi demokratııalyq úrdisterdi ári qaraı damytý maqsatynda qoldanystaǵy zańnamaǵa «parlamenttik kópshilik» jáne «parlamenttik oppozısııa» uǵymdary engizilip otyr. Zańmen Májiliske saılanatyn parlamenttik oppozısııa depýtattarynyń ókilettikteri jáne olardyń jumysyn qamtamasyz etý tetikteri naqty aıqyndaldy. Memleket basshysynyń usynysymen qabyldanǵan jańa zańnamalyq normalar elimizde parlamenttik oppozısııaǵa kepildikti qamtamasyz etedi jáne Qazaqstandaǵy parlamentarızmdi damytý úshin jańa múmkindikter ashady dep senemiz», – dedi Máýlen Áshimbaev.

Zań jobasyna sáıkes Parlament Májilisinde depýtattyq mandattardyń kóbine ıe bolǵan saıası partııa nemese saıası partııalar – parlamenttik kópshilik bolyp sanalady.

Al parlamenttik kópshilikke enbeıtin, áleýmettik-ekonomıkalyq, qoǵamdyq-saıası máseleler boıynsha sol kópshilikke qaraǵanda ózge pozısııa ustanatyn Májilistegi saıası partııa nemese saıası partııalar «parlamenttik oppozısııa» dep túsiniledi.

Parlamenttik oppozısııa jekelegen máseleler boıynsha parlamenttik kópshilikti qoldaýy da múmkin. Zań boıynsha Parlament Májilisiniń reglamentinde kózdelgen tártippen bir sessııa ishinde keminde bir ret parlamenttik tyńdaý ótkizýge bastama jasaýǵa da quqyly bolady.

Sonymen birge, saıası partııa fraksııalarynyń basshylaryna, al olar bolmaǵan jaǵdaıda ne olardyń ýákilettik berýimen saıası partııa fraksııalarynyń ókilderine Parlament Palatalarynyń birlesken otyrystarynda, Májilistiń jalpy otyrystarynda, turaqty komıtetterdiń, jumys toptarynyń otyrystarynda, parlamenttik tyńdaý men ózge de is-sharalarda sóz sóıleý quqyǵyna zańmen kepildik beriledi.

Qujattyń negizgi maqsaty – parlamenttik oppozısııanyń quqyqtyq negizderin iske asyrý. Zań jobasynyń mindetteri:

  • parlamenttik oppozısııa quqyqtaryn iske asyrý;
  • Parlament Májilisiniń turaqty komıtetiniń tóraǵasy, sondaı-aq turaqty komıtetiniń hatshylary laýazymdaryna parlamenttik oppozısııadan depýtattardyń saılanýyna kepildik berý.

Zańǵa sáıkes, parlamenttik oppozısııa óz depýtattarynyń arasynan Parlament Májilisi turaqty komıtetiniń tóraǵasy laýazymyna kandıdatýralar usynýǵa quqyly. Parlament Májilisindegi turaqty komıtetterdiń biriniń tóraǵasy parlamenttik oppozısııadan (ol bar bolsa) usynylǵan depýtattardyń arasynan saılanady.

Odan basqa, zań jobasy arqyly parlamenttik oppozısııaǵa óz depýtattarynyń arasynan Májilistegi turaqty komıtetterdiń hatshylary laýazymyna kandıdatýralar usyný quqyǵy beriledi. Parlament Májilisindegi eki turaqty komıtettiń hatshylary parlamenttik oppozısııadan (ol bar bolsa) usynylǵan depýtattar arasynan saılanady.

Osy rette parlamenttik oppozısııa depýtattarynan saılanǵan komıtet tóraǵasy men hatshylary ártúrli komıtetterge saılanatynyn atap ótken jón.

Sonymen qatar otyrysta «Qazaqstan Respýblıkasynyń keıbir zańnamalyq aktilerine turǵyn úı baǵdarlamalary operatorlarynyń sanyn qysqartý máseleleri boıynsha ózgerister men tolyqtyrýlar engizý týraly» zań eki oqylymda qabyldandy.

Zań jobasy Memleket basshysynyń tapsyrmasy boıynsha ázirlengen bolatyn. Qujat arqyly birqatar zańnamalyq aktilerge ózgerister men tolyqtyrýlar engizildi.

Onda turǵyn úı baǵdarlamalary boıynsha jumys istep turǵan «Qazaqstan ıpotekalyq kompanııasy», «Báıterek development» jáne «Turǵyn úı qurylysyna kepildik berý qory» operatorlaryn Turǵyn úı qurylysynyń biryńǵaı operatoryna biriktirý kózdelgen.

Qujat qurylys salasy sýbektilerin yntalandyrýdy qamtamasyz etýge, ıpotekalyq kredıtteýdi odan ári damytýǵa, turǵyn úı qurylysy operatorynyń qyzmetin ońtaılandyrýǵa, jumys istep turǵan operatorlardyń ákimshilik shyǵystaryn azaıtýdyń esebinen bıýdjet qarajatyn únemdeýge baǵyttalǵan.

Bul rette qurylys salasyndaǵy sýbektilerge qoldaý kórsetýdi, sondaı-aq, turǵyn úıdiń qoljetimdiligin qamtamasyz etýdi Biryńǵaı operator júzege asyrady.

Zań jobasynyń qabyldanýy elimiz halqyn sapaly jáne jaıly turǵyn úımen qamtamasyz etýge arnalǵan memlekettik bastamalardy odan ári iske asyrýǵa, onyń ishinde qurylys salasyna qoldaý kórsetýge, turǵyn úı naryǵyndaǵy jáne ıpotekalyq kredıtteýdegi suranys pen usynystyń teńgerimdi ósýi úshin jaǵdaı jasaýdy qamtamasyz etýge múmkindik beredi.

Sondaı-aq, otyrys barysynda senator Olga Perepechına kapıtaldy syrtqa shyǵarý máselelerine qatysty, al senator Dınar Nóketaeva aralas (oqytý tili boıynsha) mektepterdiń jumysy jóninde depýtattyq saýaldar joldady.

Sońǵy jańalyqtar

COVID-19: Arıo bala qalaı qorǵandy?

Rýhanııat • Búgin, 22:59

Eńbekteri elengen jandar

Oqıǵa • Búgin, 21:47

Nur-Sultanda 23 alypsatar ustaldy

Aımaqtar • Búgin, 20:10

Mańǵystaýǵa dári-dármek jetkiziledi

Aımaqtar • Búgin, 19:08

"Teledáriger" jobasy ashyldy

Qazaqstan • Búgin, 18:35

Jurttyń jigerin janyǵan úndeý

Parlament • Búgin, 16:57

Túrkistan jasyl qalaǵa aınalýda

Ońtústik Qazaqstan • Búgin, 16:53

Qazaqstan CORSIA múshesi boldy

Qazaqstan • Búgin, 16:43

Mobıldik toptar jumysy júıeli

Aımaqtar • Búgin, 15:27

Qaıyrymdylyǵyńnyń saýabyn bersin...

Aımaqtar • Búgin, 14:23

UBT-da 126 ball jınaǵan túlek

Aımaqtar • Búgin, 13:59

Júıeli jumystar qolǵa alynýy kerek

Parlament • Búgin, 13:45

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Uqsas jańalyqtar