Vırtýaldy konsýltant mınıstrliktiń saıtynda, Elektrondyq eńbek bırjasynda, sondaı-aq @enbek_bot mekenjaıy boıynsha Telegram-botta jáne Elektrondyq eńbek bırjasynyń Facebook-taǵy paraqshasynda qoljetimdi.
«Mınıstrlikten keri baılanys uıymdastyrý maqsatynda biz call-ortalyq nemese áleýmettik jeliler sııaqty dástúrli ádistermen ǵana emes, odan ári, jasandy ıntellektke qaraı júrýdi sheshtik jáne vırtýaldy keńesshini qurdyq. Ol 24/7 rejıminde sizben áleýmettik-eńbek salasyndaǵy qyzmetter týraly aqparatpen bólisýge daıyn. Sapaly keńes berý úshin onyń bilim berý qoryn tolyqtyrǵan mańyzdy ekendigi túsinikti. Biz mundaı jumysty júıeli túrde júrgizemiz, sondaı-aq buryn qoıylǵan suraqtar men azamattarmen aradaǵy dıalog negizinde ózin-ózi oqytýǵa múmkindik bergimiz keledi», – dedi QR Eńbek jáne halyqty áleýmettik qorǵaý vıse-mınıstri Narıman Muqyshev.
Ai.Dana-ǵa habarlasý úshin Eńbek mınıstrliginiń saıtynda bettiń tómengi oń jaq buryshyndaǵy konsýltant batyrmasyna basqan jetkilikti. Osylaısha, siz mınıstrliktiń qyzmetterin alýǵa qatysty keń taralǵan suraqtarǵa jaýap ala alasyz. Mysaly, mázirden «Jumyspen qamtý» bólimin tańdap, adamdarǵa jumyspen qamtýǵa járdemdesýdiń belsendi sharalaryna qatysýǵa joldama berý; jumys izdegen adamdardy tirkeý; jumys izdegen adamdardy jumyssyz retinde tirkeý sııaqty qyzmetter boıynsha keńes alýǵa bolady.
Vırtýaldy konsýltantty ázirleý úshin barynsha túsinikti tilde suraqtar qabyldaýǵa múmkindik beretin neırondyq jeliler arqyly taldaýdyń ozyq tehnologııasy qoldanyldy.
